यावेळी बोलताना डॉ. चोरडिया म्हणाले की, जीवन समृद्ध करायचे असेल, तर विद्यार्थ्यांनी अभ्यास करताना वाचनावर विशेष भर द्यावा. वेळेचे नियोजन करीत व्यावसायिक शिक्षण घेत असतानाच आपण निवडलेल्या क्षेत्रात काम करण्यास सुरुवात करणेही गरजेचे आहे, असे चोरडिया यांनी स्पष्ट केले. आपणच आपल्या यश- अपयशाला जबाबदार असतो. त्यामुळे कठोर मेहनत घ्या आणि तुमची स्वत:ची ओळख निर्माण करण्याचा प्रयत्न करा. हे जग अतिशय झपाट्याने बदलत असून, हे बदल स्वीकारण्याची आणि त्या अनुषंगाने स्वत:मध्ये सुधारणा घडवून आणण्याची सवय लावून घ्या, अशा शब्दांत डॉ. चोरडिया यांनी विद्यार्थ्यांना मार्गदर्शन केले.
तसेच शिक्षणासोबतच निरोगी राहणे, नातेसंबंधांची जपवणूक करणे हे यशस्वी जीवनासाठी आवश्यक असल्याचे सांगून त्यांनी विद्यार्थ्यांना प्रेरणादायी पुस्तके वाचण्याचा संदेश दिला. विद्यार्थ्यांशी संवाद साधताना डॉ. रंजलकर म्हणाले की, कठोर व अथक परिश्रम, शिक्षणासाठी योग्य क्षेत्राची निवड, मित्रांची निवड यशस्वी होण्यासाठी अत्यंत महत्त्वाचे आहे. यानंतर मान्यवरांच्या हस्ते गुणवंतांचा प्रमाणपत्र व धनादेश देऊन सत्कार करण्यात आला.
चौकट :
या गुणवंतांचा झाला सत्कार
आदित्य गवळी, आदित्य कोल्हे, आयशा अख्तर, ऐश्वर्या गुंजकर, आकाश जाधव, अमन पटेल, अमृता स्वामीनाथन, अनुष्का बोर्डे, फातेमा जोहरा, गगन मेहता, गौरव तायडे, गायत्री देशमुख, हेमंत राजहंस, साक्षी हिवाळे, इशान पेशकर, ईशिता गायकवाड, मेहन हिनहोरिया, मानव जैन, मीरा बर्वे, पल्लवी फारकडे, मलिहा पटेल, प्रभांजन पाटील, प्राजक्ता सिंगारे, प्रांजली वाडोदकर, प्रेक्षा अजमेरा, पूर्ती पाटील, रजवी सय्यद, रुद्रांश जगताप, ऋतुजा चौधरी, सागर मुके, साक्षी सिंग, सलोनी देव, संपन्न सोमवंशी, समृद्धी चौधरी, सार्थक परदेसी, श्रुती ढोके, वैभव बर्डे, वैष्णवी शेळके, विनीत धूत, विराज छाजेड, विराज अनारथे, यशराज घाडगे.
फोटो ओळ :
गुणवंत विद्यार्थ्यांसाेबत डॉ. संजय चोरडिया, डॉ. संतोष रंजलकर, मिलिंद पोटे, झुंबरलाल पगारिया.