वाळूज महानगरात बाजारपेठ बंद

वाळूज महानगर : दहशतवादी हल्ल्याच्या निषेधार्थ शनिवारी वाळूज महानगरात बाजारपेठ बंद ठेवण्यात आला. बजाजनगर, रांजणगाव येथील व्यापारी, छोटे-मोठे व्यवसायिक व विक्रेत्यांनी यात सहभागी होत शहीद जवानांना श्रद्धांजली वाहिली.पुलवामा येथे झालेल्या दहशतवादी हल्लयात जवान शहीद झाले. या हल्ल्याच्या निषेधार्थ व्यापरी, सामाजिक संघटना व सर्व पक्षीय पदाधिकारी यांनी शनिवारी बंदची हाक दिली होती. रांजणगाव ग्रामपंचायत कार्यालयात शहीद जवानांना आदरांजली अर्पण करण्यात आली. बजाजनगर, रांजणगावातील अत्यावश्यक सेवा वगळता संपूर्ण बाजारपेठ दिवसभर बंद होती.