आदर्श पॅनलचे सहा उमेदवार विजयी झाले. मात्र कारभारी जाधव यांचा पराभव करत माजी सरपंच अंबादास गवळी निवडून आल्याने इथेही गड आला, पण सिंह हारला अशी अवस्था पॅनलची झाली आहे. दरम्यान, माजी सरपंच अंबादास गवळी यांच्या पॅनलचे तीन उमेदवार विजयी झाले. माळीवाडगाव ग्रामपंचायतीवर शेषराव जाधव यांचे निर्विवाद वर्चस्व पुन्हा एकदा सिद्ध झाले आहे. माळीवाडगाव ग्रामपंचायत निवडणुकीपूर्वी सरपंचपद हे एसटी प्रवर्गाला आरक्षित झाले होते. मात्र सरकारने हे आरक्षण रद्द करून मतदानानंतर पुन्हा नव्याने आरक्षण काढण्याचे आदेशित केल्याने निवडणुकीत पुन्हा चुरस निर्माण झाल्याने कारभारी जाधव हे तुल्यबळ उमेदवार रिंगणात उतरले होते. मात्र माजी सरपंच अंबादास गवळी यांनी पराभव केल्याने गड आला, पण सिंह हरला अशी चर्चा गावात सुरू झाली आहे.
माळीवाडगाव ग्रा.पं. वर आदर्श पॅनलचा दणदणीत विजय
By लोकमत न्यूज नेटवर्क | Updated: January 20, 2021 04:05 IST