सोयगाव तालुक्यात सापडलेला बिबट्या सिद्धार्थ उद्यानात

औरंगाबाद : सोयगाव तालुक्यातील नांदगाव येथे विहिरीत पडलेल्या बिबट्याला शुक्रवारी वन विभागाच्या पथकाने बाहेर काढले. शनिवारी पहाटे त्याला सिद्धार्थ उद्यानात आणण्यात आले.उद्यानात मागील काही वर्षांपासून बिबट्या नसल्याने बोरीवली व इतर प्राणिसंग्रहालयांकडे मनपाने मागणी केली होती. सिद्धार्थ उद्यानात एक मादी असून, तिच्यासोबत या नवीन बिबट्याला ठेवण्यात येणार आहे. सध्या पायाला मार लागलेला असल्याने बिबट्या लंगडत असून, त्याच्यावर उपचार सुरू आहेत.