शिरीष शिंदे . बीड
तपास योग्य पद्धतीने झाल्याने शिक्षेच्या प्रमाणात तिपटीने वाढ झाली असून त्यामुळे गुन्ह्यांचे प्रमाण आपोआपच घसरले आहे. २०१३ या साली गुन्ह्यांचे प्रमाण अधिक होते मात्र २०१४ मध्ये हा आलेख खाली आला आहे. २०१३ साली एकुण ४ हजार ६१७ गुन्हे दाखल झाले होते तर २०१४ मध्ये ४ हजार २९० गुन्हे दाखल झाले होते. त्यात ३२७ गुन्हांची घट झाली आहे. २०१३ मध्ये ९३ खून झाले होते तर खुनाचे प्रमाणे प्रमाण २०१४ मध्ये ७७ खून झाले. हे प्रमाण १६ ने घटले होते. २०१४ मध्ये दरोड्याचे एकुण २१ गुन्हे घडले होते त्यातील १७ गुन्हे तांत्रिक होते केवळ चार गुन्हे गंभीर स्वरुपाचे होते. या गुन्ह्यांचा छडा लागलाअसून आरोपींना अटक करण्यात आली आहे.२०१३ मध्ये मारामारीचे ८६४ तर २०१४ मध्ये ८३२ गुन्हे होते. दंगलीच्या गुन्ह्यात ७ ने घट झाली आहे. २०१३ मध्ये ३७८ तर २०१४ मध्ये ३०४ घडले आहेत. बलात्काराच्या गुन्ह्यात २२ ने घट झाली आहे. २०१३ मध्ये बलात्काराचे गुन्हे ९२ होत तर २०१४ मध्ये ७० गुन्हे दाखल झाले आहेत. दारुबंदीच्या गुन्ह्यांची वाढ झाली आहे. २०१३ मध्ये ६९० तर २०१४ मध्ये १ हजार ३६० गुन्हे दाखल झाले आहेत. मोटार अपघातामध्ये फारशी वाढ झालेली नाही २०१३ मध्ये मोटार अपघाताच्या ६१२ घटना घडल्या होत्या तर ६२४ अपघात हे २०१४ मध्ये घडल्या आहेत. प्राणघातक अपघातात २९७ जणांचा मृत्यू २०१४ साली झाला आहे. सरकारी कर्मचाऱ्यांना मारहाण केल्याची प्रकरणात २१ ने घट झाली आहे. २०१३ मध्ये या प्रकारची १०३ गुन्हे दाखल झाली होती तर २०१४ मध्ये ८२ प्रकारचे गुन्हे दाखल झाले होते. प्रतिबंधात्मक कारवाया कमी तरी गुन्ह्यात घट प्रत्येक वर्षी प्रतिबंधात्मक कारवाई करुन गुन्हेगारांवर अंकुश मिळविण्याचा प्रयत्न केला जातो मात्र २०१४ साली १२,३९० प्रतिबंधात्मक कारवाया करण्यात आल्या होत्या. या कारवायांचे प्रमाण कमी असतानाही गुन्ह्यांच्या संख्येत घट झाली आहे. २०१३ साली १८ हजार ४०० प्रतिबंधात्मक कारवाया झाल्या होत्या.