अनेकजण मैत्रीत काहीही करायला तयार असतात. असेच काहीसे मराठी सिनेइंडस्ट्रीतील तीन अभिनेत्रींनी केले आहे. मनवा नाईक, आदिती सारंगधर आणि अमृता संत.या तिघींनी एकत्र येत आपल्या मैत्रीतील मजामस्ती आपल्या चाहत्यांसोबत शेअर केली आहे. एक व्हिडिओ शेअर करून मनवा नाईकने आम्ही फ्रेंड्स आहोत की कोण? असे म्हणत डोक्याच्या पाठीमागील भागाचे केस मुळासकट काढून टाकले आहेत. या व्हिडिओत या तिघी भलत्याच आनंदी दिसत आहेत. या तिघींनी असे का केले, असा अनेकांना प्रश्न पडला आहे.
आयएएस टीना डाबीची इंस्टाग्राम पोस्ट व्हायरल
टीना डाबी यांची एक पोस्ट सोशल मीडियावर चर्चेत आहे. टीना डाबी यांनी आपल्या इंस्टाग्राम पोस्टमध्ये लिहिले आहे की, ''ही लेट पोस्ट आहे, गेल्या महिन्यात मी अनेक पुस्तकं वाचली. पुस्तकं वाचल्यानंतर मी माझे विचार एका कागदावर लिहिले आहेत. याच बरोबर मी यात असा भागही सामील केला आहे, जो मला सर्वात चांगला वाटला. आशा आहे, की आपणही हे वाचताना तेवढाच आनंद घ्याल, जेवढा मी घेतला. यापैकी आपण एखादे पुस्तक वाचले असेल तर आपणही समीक्षा शेअर करा. याशिवाय, आपल्याला इतर काही पुस्तकांची माहिती असेल, तर तिचेही स्वागत आहे.'' टीना यांनी ''अ जेन्टलमन इन मॉस्को'' पुस्तक वाचल्याचा उल्लेख करत म्हटले आहे, ''की या पुस्तकाने मला गदगदा हलवले. एक वाक्य आहे, की कुणीही व्यक्ती परिस्थितीवर प्रभुत्व मिळवत नाही, तर तो ते प्रभुत्व मिळविण्यास बांधील असतो.''