हायकोर्ट, स्कोडा विजयी

गरवारे क्रीडा संकुलावर सुरू असलेल्या ६ व्या राम कमला औद्योगिक टी-२० क्रिकेट स्पर्धेत हायकोर्ट संघाने एमआयटी रुग्णालयाचा तर स्कोडाने लिप फास्टनर संघाचा पराभव केला. मनोज शिंदे व संदीप खोसरे हे सामनावीर किताबाचे मानकरी ठरले.

औरंगाबाद : गरवारे क्रीडा संकुलावर सुरू असलेल्या ६ व्या राम कमला औद्योगिक टी-२० क्रिकेट स्पर्धेत हायकोर्ट संघाने एमआयटी रुग्णालयाचा तर स्कोडाने लिप फास्टनर संघाचा पराभव केला. मनोज शिंदे व संदीप खोसरे हे सामनावीर किताबाचे मानकरी ठरले.पहिल्या सामन्यात हायकोर्ट संघाने ६ बाद १३७ धावा केल्या. त्यांच्याकडून ज्ञानेवर पटीलने ३० चेंडूंत ६ चौकार, एका षटकारासह ४७ व कुणाल काळे याने ३ चौकार व एका षटकारासह ३२ धावा केल्या. एमआयटीकडून साईनाथ डहाळे व सारंग कांबळे यांनी प्रत्येकी २ गडी बाद केले. प्रत्युत्तरात एमआयटी रुग्णालय १८.२ षटकांत ८६ धावांत गारद झाला. त्यांच्याकडून केदार काळेने १६ व अरविंद पाटीलने १५ धावा केल्या. हायकोर्ट संघाकडून मनोज शिंदेने १६ धावांत ५ गडी बाद केले. आबा शिंदे व पवन इप्पार यांनी प्रत्येकी २ गडी बाद केले.दुसºया सामन्यात लिप फास्टनरने प्रथम फलंदाजी करताना ८ बाद १२८ धावा केल्या. त्यांच्याकडून राजू मदन याने ५० चेंडूंत २ षटकार व ७ चौकारांसह ६३, राहुल पाटीलने २५, रवी लेंडाले याने १७ धावा केल्या. स्कोडाकडून मंगेश गरड व संदीप खोसरे यांनी प्रत्येकी २ गडी बाद केले. योगेश भागवत व विजय मेहेत्रे यांनी प्रत्येकी १ गडी बाद केला. प्रत्युत्तरात स्कोडा संघाने विजयी लक्ष्य १८.४ षटकांत ५ गडी गमावून गाठले. त्यांच्याकडून विजय हंडोरे याने २६ चेंडूंत ३ षटकार व २ चौकारांसह ३५, अभिजित भगतने २९ व संदीप खोसरेने २२ धावांचे योगदान दिले. लिप फास्टनरकडून राजू मदन याने २, तर प्रणव राजळे याने १ गडी बाद केला.