तक्रारदार तयब पठाण रमजान पठाण ( ३८,रा. सादातनगर) हे भाजी विक्रेता असून शुक्रवारी रात्री ते सादातनगर रस्त्यावर भाजी विक्रीच्या गाड्यावर उभे होते. तेव्हा त्यांच्या गाड्यासमोर उभी केलेली दुचाकी काढण्याचे त्यांनी आरोपी शाफिक खान याला सांगितले. त्याचा राग आल्याने त्याने शिवीगाळ करून सुरीने त्यांच्यावर हल्ला केला. यावेळी त्यांचे साथीदार साबीर खान ,आश्रफ खान, शाकेर खान ,अल्ताफ खान ,इब्राहिम खान , आशपक खान, तारेख खानयांनी तक्रारदार आणि त्याचा भाऊ शौकत, जुबेर चिकन यांना सुरी आणि लोखंडी पाईपने मारहाण करून गंभीर जखमी केले.
तर साबीर खान फैयाज खान यांनी दिलेल्या तक्रारीनुसार आरोपी तय्यब पठाण, शौकत पठाण , तय्याबची आई , जुबेर शेख आणि दोन अनोळखी साथीदार यांनी दुचाकी येथून काढ असे म्हणून शिवीगाळ करून हल्ला चढविला. यात तक्रारदार आणि नातेवाईकांस मारहाण करून जीवे मारण्याची धमकी दिली. पोलिसांनी गुन्हा नोंदवून तपास सुरू केला.