तिजोरी न तुटल्याने जेहूरमध्ये बँक फोडण्याचा प्रयत्न फसला

जेहूर (ता.कन्नड) येथील पंजाब नॅशनल बँकेची तिजोरी न तुटल्यामुळे रविवारी (दि.१७) मध्यरात्री चोरट्यांचा रोकड लुटण्याचा प्रयत्न फसला.

लोकमत न्यूज नेटवर्कदेवगाव रंगारी : येथून जवळच असलेल्या जेहूर (ता.कन्नड) येथील पंजाब नॅशनल बँकेची तिजोरी न तुटल्यामुळे रविवारी (दि.१७) मध्यरात्री चोरट्यांचा रोकड लुटण्याचा प्रयत्न फसला. यामुळे चोरट्यांना बँक फोडण्याचे साहित्य जागेवरच सोडून घटनास्थळाहून पळ काढावा लागला.पोलिसांनी सांगितले की, रविवारी मध्यरात्री चोरट्यांनी जेहूर येथील पंजाब नॅशनल बँकेची भिंत फोडून मध्ये प्रवेश केला.यानंतर गॅस कटरच्या सहाय्याने बँकेची तिजोरी फोडण्याचा प्रयत्न केला. मात्र, अनेकवेळा प्रयत्न करूनही चोरट्यांना तिजोरी फोडता आली नाही. त्यामुळे गॅस कटर व आदी साहित्य बँकेत सोडून चोरट्यांनी पळ काढला. मात्र, जाताना त्यांनी सीसीटीव्ही कॅमेºयाची हार्डडिस्क सोबत नेली. सोमवारी सकाळी ही घटना उघडकीस आली.यानंतर बँकेचे शाखा अधिकारी राहुल साहेबराव जाधव (रा. महावीर नगर मानपाडा रोड , डोंबिवली) यांनी देवगाव रंगारी पोलीस ठाणे गाठून तक्रार दिली.माहिती उपविभागीय पोलीस अधिकारी सुनील लांजेवार, देवगाव रंगारी येथील सपोनि. राजश्री आडे यांच्यासह श्वानपथक, ठसे तज्ञ, स्थानिक गुन्हे शाखेचे कर्मचारी, पोकॉ. उत्तमराव औटे, पोकॉ. सुदाम साबळे आदींनी घटनास्थळी धाव घेतली. याप्रकरणी देवगाव रंगारी पोलीस ठाण्यात नोंद करण्यात आली आहे.