‘समर कॅम्प एक्स्पो व मिशन अ‍ॅडमिशन’चे शानदार उद््घाटन

औरंगाबाद : ‘लोकमत’तर्फे आयोजित तीनदिवसीय ‘समर कॅम्प एक्स्पो व मिशन अ‍ॅडमिशन - २०१६’चे शनिवारी शानदार सोहळ्यात मान्यवरांच्या हस्ते उद््घाटन करण्यात आले. विद्यार्थ्यांच्या कलागुणांना वाव देणाऱ्या शैक्षणिक, सांस्कृतिक, क्रीडा आदी क्षेत्रांतील नामवंत संस्था या निमित्ताने एकत्र आल्या आहेत. त्यामुळे पहिल्याच दिवशी विद्यार्थी-पालकांचा उत्स्फूर्त प्रतिसाद मिळाला.लोकमत लॉन, लोकमत भवन येथे आयोजित ‘समर कॅम्प एक्स्पो व मिशन अ‍ॅडमिशन २०१६’चे उद््घाटन युनिव्हर्सल हायस्कूलच्या मुख्याध्यापिका श्वेता वकील, जनरल मॅनेजर राजेश मोहिले, इरा इंटरनॅशनल स्कूलचे संचालक सतीश गोरे, रेखा गोरे, डिस्कव्हरी स्कूलचे संचालक अमोल कंचार यांच्या प्रमुख उपस्थितीत झाले. परीक्षा संपत नाही तोच विद्यार्थ्यांना उन्हाळ्याच्या सुट्यांचे वेध लागतात. या कालावधीत काहीतरी नवीन शिकण्याची ओढ मुलांना असते. त्यासाठी पालकही शोध घेत असतात. शैक्षणिक, सांस्कृतिक, क्रीडा आदींमध्ये चांगल्या प्रकारे शिक्षण देणाऱ्या संस्थांचा शोध घेतला जातो. विद्यार्थी, पालकांची होणारी धावपळ लक्षात घेऊन ‘लोकमत’ने विविध संस्थांना ‘समर कॅम्प एक्स्पो’च्या रूपाने एकत्र आणले आहे. सुटीचे नियोजन कसे करावे, उत्कृष्ट शाळा कोणती? अशा अनेक प्रश्नांची उत्तरे यातून मिळत आहेत.पालकांना ‘मिशन अ‍ॅडमिशन’द्वारे विविध शाळांची माहिती, तेथील शिक्षण पद्धती, सोयी-सुविधा आदी माहिती मिळत आहे. आपल्या पाल्याच्या विकासासाठी पालकांना अनेक नावीन्यपूर्ण गोष्टी माहीत होण्यास हातभारच लागत आहे. युनिव्हर्सल हायस्कूल प्रस्तुत ‘समर कॅम्प एक्स्पो व मिशन अ‍ॅडमिशन- २०१६’, पॉवर्ड बाय इरा इंटरनॅशनल स्कूल व सहप्रायोजक डिस्कव्हरी स्कूल हे आहेत. १८ एप्रिलपर्यंत दुपारी ४ ते ८ या वेळेत होणाऱ्या या कॅम्पमध्ये मोफत प्रवेश आहे. अ‍ॅकॉर्ड कॅम्प्युटरचे रोहित मारिया, स्टाईलो फर्निचरचे संतोष शर्मा, पॉवर सोल्युशनचे झिरपे आणि डीकॅथलॉनचे शुभम दातखोरे यांच्या हस्ते लोकमत टाइम्स कॅम्पस क्लबच्या वार्षिक लकी ड्रॉची सोडत काढण्यात आली. विजेत्यांची नावे लवकरच जाहीर केली जाणार आहेत.