लोकमत न्यूज नेटवर्कऔरंगाबाद : ‘कलर्स चॅनल’ आणि ‘लोकमत सखी मंच’तर्फे सखी मंच सदस्य व कुटुंबियांसाठी तसेच ‘लोकमत’च्या सर्व वाचकांसाठी ‘एंटरनटेनमेंट जबरदस्त’ या कार्यक्रमाचे आयोजन करण्यात आले आहे. लोकमत हॉल, लोकमत भवन येथे रविवार, दि.१९ नोव्हेंबर रोजी दु. ४ वा. हा कार्यक्रम होणार आहे. या कार्यक्रमात मजेशीर उखाणे, विनोदी चुटकुले स्पर्धा घेण्यात येतील. विजेत्यांना आकर्षक बक्षिसे जिंकण्याची संधी मिळेल. याशिवाय कार्यक्रमात सहभागी कुटुंबांसाठी विशेष गेम शोचे आयोजन करण्यात आले आहे.विनोदाचे जीवनात एक वेगळेच महत्त्व आहे. रोजची स्पर्धा, ताणतणाव, भांडणे, वादविवाद या गोष्टी हल्ली सर्व ठिकाणी, सर्व वयोगटांत, कुठल्याही वेळी, क्षुल्लकपासून गंभीर कारणांपर्यंत पाहावयास मिळतात. त्यातून शाब्दिक, शारीरिक अशा सगळ्या स्तरांवर संघर्ष व त्याचे निरनिराळ्या स्वरूपांतील परिणाम पाहावयास मिळतात. या साºयांपासून स्वत:ला दूर ठेवण्याचा मूलमंत्र मिळावा, ताणतणाव विसरून सर्व कुटुंबाने मनोरंजनाचा आस्वाद घ्यावा, सुलभतेने जगण्याचे रहस्य समजून घेता यावे, या हेतूने कलर्स वाहिनीवर सुरू होणाºया एका शोच्या निमित्ताने या कार्यक्रमाचे खास आयोजन करण्यात आले आहे. हा कार्यक्रम बघण्यासाठी सर्वांना प्रवेश खुला असून, मोठ्या संख्येने उपस्थित राहून कार्यक्रमाचा आस्वाद घ्यावा, असे आवाहन आयोजकांनी केले.
‘एंटरटेनमेंट जबरदस्त’चे रविवारी आयोजन
By लोकमत न्यूज नेटवर्क | Updated: November 16, 2017 23:39 IST