शॉर्टसर्किटमुळे गादीघराला आग

जालना : शहरातील सरस्वती भुवन शाळेसमोरील एका गादीघराला लाग लागून लाखो रुपयांचे साहित्य जळून खाक झाल्याची घटना शुक्रवारी सकाळी साडेनऊ वाजेच्या सुमारास घडली.

लोकमत न्यूज नेटवर्कजालना : शहरातील सरस्वती भुवन शाळेसमोरील एका गादीघराला लाग लागून लाखो रुपयांचे साहित्य जळून खाक झाल्याची घटना शुक्रवारी सकाळी साडेनऊ वाजेच्या सुमारास घडली.जुना जालना परिसरातील सरस्वती भवन शाळेसमोर असलेल्या शेख मन्नान यांचे गादी घर आहे. या दुकानास सकाळी साडेनऊ वाजेच्या सुमारास शॉर्टसर्किटमुळे आग लगली. या आगीत दुकानातील कापसाचे गठाण, नवीन गाद्या, मशिनरी इ. साहित्य जळून खाक झाले. आगीची माहिती मिळताच अग्निशमन दलाचे दोन बंब घटनास्थळी दाखल झाले. शहराच्या वर्दळीच्या ठिकाणी असलेल्या दुकानाला आग लागल्याने अग्निक्षमन दलाच्या कर्मचाऱ्यांनी तातडीने घटनस्थळी दाखल होऊन आगीवर नियंत्रण मिळविले. आजूबाजूला घरे असलेल्या आग इतरत्र पसरू नये यासाठी तब्बल तीन तास परिश्रम करून आग आटोक्यात आणली. आग विझविण्यासाठी दोन बंबांचा वापर करण्यात आला.