माजी सरपंच श्रीराम जंजाळ यांनी मागील पाच वर्षांत जिल्ह्यात वाकी गावाची ओळख एक आदर्श गाव म्हणून करून दिली आहे. या ग्रामपंचायतीने राज्य शासनातर्फे दिले जाणारे विविध पुरस्कार पटकावले आहेत. गावात केलेल्या विकासकामांच्या बळावर या निवडणुकीत त्यांनी जय हनुमान ग्रामविकास पॅनलच्या माध्यमातून आपले ९ उमेदवार उभे केले होते. त्यांच्याविरोधात भाजप युवा मोर्चाचे जिल्हा उपाध्यक्ष कल्याण जंजाळ पाटील यांनी तगडे आव्हान उभे केले होेते. मात्र, श्रीराम जंजाळ यांच्या पॅनलने सर्वाधिक सहा जागा जिंकत विजय मिळविला आहे. विजयी उमेदवारांत सुनंदाबाई श्रीराम जंजाळ, पूजा अजिनाथ जेठे, रामेश्वर राजधर जंजाळ, बापू पांडुरंग लोखंडे, ज्ञानेश्वर ठमाजी पल्हाळ, सुनिता श्रीराम येवले यांचा तर दुसऱ्या गटातील गणेश भगवान जंजाळ, अनिता राजू जंजाळ, रेखाबाई नाना येवले यांचा समावेश आहे. निवडून आलेल्या सदस्यांचे ग्रामस्थानी स्वागत केले.
फोटो : वाकी ग्रामपंचायत निवडणुकीत जय हनुमान ग्रामविकास पॅनलचे विजयी उमेदवार व ग्रामस्थ.