मराठमोळी अभिनेत्री अमृता खानविलकरने सौंदर्य, अदा, फॅशन आणि अनोख्या स्टाइलने रसिकांवर मोहिनी घातली आहे. अमृताचे फॅन्स तिच्या डान्ससोबतच अदा आणि स्टाइलवर फिदा असतात. मराठीसह हिंदी सिनेमातही आपलं नृत्य आणि अभिनयाची जादू अमृताने दाखवली आहे. अमृताने अलीकडेच इंस्टाग्रामवर तिचा नो मेकअप लूकमधला फोटो शेअर केला आहे. विशेष म्हणजे हा फोटो अमृताने मिरर इमेजमध्ये काढला आहे. फोटोत अमृता नेहमीप्रमाणे सुंदर दिसत आहे. #mirrormirroronthewall असा हॅशटॅग तिने हा फोटो पोस्ट करताना दिला आहे.
तू मला आनंद देतोस...
अभिनेत्री गायत्री दातार सध्या फिरायला गोव्याला गेली असून, तिच्या व्हेकेशनचे फोटो तिने सोशल मीडियावर पोस्ट केले आहेत. या फोटोत तिचा एक वेगळाच अंदाज पाहायला मिळत आहे. गायत्री या फोटोत खूपच बोल्ड अँड ब्युटिफूल दिसत असून, तिचा हा फोटो सोशल मीडियावर चांगलाच व्हायरल झाला आहे. या फोटोप्रमाणेच या फोटोसोबत लिहिलेल्या कॅप्शनची चांगलीच चर्चा रंगली आहे. तिने या फोटोसोबत लिहिले आहे की, 'तू मला आनंद देतोस... हो तू...'. दरम्यान, ‘तुला पाहते रे’ या मालिकेने निरोप घेतल्यानंतर गायत्रीने निम्मा शिम्मा राक्षस या नाटकाद्वारे व्यावसायिक रंगभूमीवर पदार्पण केले.
आलियाने शेअर केला 'सीता'चा फर्स्ट लूक
आलिया भटचा चित्रपट 'आरआरआर' एसएस राजमौली बनवत आहे. या चित्रपटातून आलिया तेलगू सिनेइंडस्ट्रीत पाऊल टाकते आहे. आलिया या चित्रपटासाठी खूप उत्सुक आहे. तिने तिच्या वाढदिवसानिमित्त चाहत्यांना मोठे सरप्राईज दिले असून, चित्रपटातील तिच्या पात्राबद्दल सांगितले आहे. आलियाने चित्रपटातील तिचा फर्स्ट लूक शेअर केला आहे. यात ती सीताच्या भूमिकेत दिसणार आहे. शेअर केलेल्या फोटोत ती एका ब्लॅक शेडेड जागेवर बसलेली दिसते आहे. फर्स्ट लूक पाहून समजते की, ती कोणत्या तरी मंदिरात बसली आहे. मंदिरात भगवान रामाची मूर्ती दिसते आहे.