सिडको वाळूज महानगरात प्रतीक्षा अशोक ठोकळ यांचे जनरल स्टोअर्सचे दुकान आहे. दरम्यान, लॉकडाऊनमुळे हे दुकान काही दिवसांपासून बंद होते. मंगळवारी सकाळी १० वाजेच्या सुमारास प्रतीक्षा ठोकळ ही दुकानासमोरून जात असताना तिला दुकानाच्या शटरचे कुलूप तुटलेले दिसले. यानंतर तिने वडिलांना माहिती दिली. दोघांनी दुकानाची पाहणी केली असता त्यांना २५ हजार रुपये किमतीचे बेनटेक्सचे दागिने, बांगड्या, हार व रोख ३ हजार रुपये गायब असल्याचे दिसून आले. या प्रकरणी अशोक ठोकळ यांच्या तक्रारीवरुन चोरट्याविरुध्द एमआयडीसी वाळूज पोलिस ठाण्यात गुन्हा दाखल करण्यात आला आहे.
----------------------
जोगेश्वरीत कलावंतास मारहाण
वाळूज महानगर : जोगेश्वरी येथे एका कलावंतास मारहाण करणाऱ्या चौघा आरोपींविरुध्द एमआयडीसी वाळूज पोलिस ठाण्यात गुन्हा दाखल करण्यात आला आहे.
प्रशांत जयवंतराव त्रिभुवन (२९, रा. जोगेश्वरी) हा मुंबईत मराठी मालिकेत कलाकार म्हणून काम करतो. काही दिवसांपूर्वी प्रशांत हा जोगेश्वरीत आई-वडिलांकडे आला होता. सोमवारी रात्री १०.३० वाजेच्या सुमारास प्रशांत घरासमोर फेरफटका मारत असताना चार अनोळखी इसमांनी त्याला धक्काबुक्की करुन वाद घातला. या प्रकरणी प्रशांत त्रिभुवन यांच्या तक्रारीवरुन चार अनोळखी इसमांविरुध्द एमआयडीसी वाळूज पोलिस ठाण्यात गुन्हा दाखल करण्यात आला आहे.
---------------------