जालना येथून प्रवासी घेऊन पाथर्डी आगाराची एस.टी. बस (एमएच- ४० एन- ८७६९) पैठणकडे भरधाव
येत असताना सोलनापूर- रहाटगाव परिसरात या बसचे ब्रेक फेल झाले. यादरम्यान समोरून येणाऱ्या वाहनास वाचविताना चालकाने बस रस्त्याच्या बाजूला असलेल्या शेतात वळविली. वेग जास्त असल्याने बस पलटली व खड्ड्यात पडली. या अपघातात बसच्या पाठीमागील चाके निखळून लांब फेकली गेली. अपघाताची माहिती मिळताच रवींद्र गिरी, रोहन अंबिलवादे, चैतन्य एरंडे, सरपंच अशोक फासाटे, शेखर शिंदे, शेख हसन शेख महेबूब, पैठण आगाराचे कर्मचारी मिथुन गायकवाड, वैशाली राऊत, जितेंद्र नाईक यांनी घटनास्थळी धाव घेऊन जखमींना पैठण येथील शासकीय रुग्णालयात हलविले. आपघातात बस चालक शिवाजी दिनकर शिरसाठ (५३), महिला वाहक राधाबाई दामोदर आबूज (३८) यांच्यासह प्रवासी पांडुरंग शिवाजी गोजे, महादेव ढाकणे (रा. पाथर्डी) हे गंभीर जखमी झाले. अन्य चार प्रवाशांना किरकोळ जखमा झाल्या आहेत. जखमी बसचालक व वाहकास पुढील उपचारासाठी अहमदनगर येथे हलविण्यात आले आहे.
-- कॅप्शन : ब्रेक फेल झाल्याने एस.टी. बसची अपघातानंतर अशी अवस्था झाली.