जिंतूरमध्ये पुन्हा बोर्डीकरविरुद्ध भांबळे ?

शिवसेनेचा उमेदवार अजूनही गुलदस्त्यात: अपक्षांचीही गर्दी असणार

विजय चोरडिया ल्ल जिंतूरजिंतूर विधानसभा मतदारसंघात काँग्रेसचे आ. रामप्रसाद बोर्डीकर निवडणूक रिंगणात उतरणार हे निश्चित असले तरी ते पक्षातर्फे निवडणूक लढवितात की अपक्ष,अशी चर्चा ऐकावयास मिळत आहे. यावेळी शिवसेनेच्या गोटात उमेदवारीविषयी शांतता आहे. लोकसभा निवडणुकीत पराभूत झाल्यामुळे राष्ट्रवादीचे विजय भांबळे हे काय खेळी खेळतात, याकडेही लक्ष लागले आहे.गेल्या दोन विधानसभा निवडणुकीपासून काँग्रेसचे रामप्रसाद बोर्डीकर यांना या मतदारसंघात संघर्ष करावा लागत आहे. २००४ साली त्यांनी अपक्ष म्हणून निवडणूक जिंकली तरी गेल्या निवडणुकीत मात्र काँगे्रसचे उमेदवार म्हणून लढताना शेवटपर्यंत विजयासाठी संघर्ष करावा लागला आणि अवघ्या १२२५ मतांनी ते विजयी झाले. अपक्ष म्हणून विजय भांबळे यांनी त्यांना जोरदार लढत दिली होती. २००४ मध्येही विजय भांबळे हे बसपाच्या तिकिटावर रिंगणात उतरले होते. परंतु, पराभव झाला. गेल्यावेळेस अपक्ष म्हणून ते विजयाच्या समीप पोहोचले होते. परंतु, नशिबाने बोर्डीकरांना साथ दिली. यावेळीही विजय भांबळे हे पूर्ण ताकदीने निवडणुकीत उतरण्याची चिन्हे असून त्या दृष्टीने त्यांची जोरात तयारी चालू असल्याची चर्चा आहे. या मतदारसंघातील माजी आमदार कुंडलिक नागरे यांच्या नावाचीही चर्चा असली तरी ते परभणीतून काँग्रेसच्या तिकिटावर निवडणूक लढविण्यासाठी प्रयत्नशील आहेत. बोर्डीकर हे अपक्ष म्हणून रिंगणात उतरणार अशी चर्चा त्यांच्याच गोटातून कार्यकर्ते करीत आहेत. परंतु, अधिकृत दुजोरा मिळाला नाही. जर तशी परिस्थिती निर्माण झाली तर काँग्रेसचे दावेदार म्हणून कुंडलिक नागरे हे पर्याय ठरु शकतात. परंतु, नागरे यांची इच्छा सध्यातरी जिंतूर लढविण्याची नाही, अशी चर्चा आहे. गेल्या निवडणुकीत माजी आमदार हरिभाऊ लहाने यांनी शिवसेनेकडून ही निवडणूक लढविली होती. गेल्या काही दिवसांच्या त्यांच्या हालचाली पाहता त्यांचा प्रयत्न पाथरीेमधून रिंगणात उतरण्याचा आहे. असे झाले तर या मतदारसंघात शिवसेनेचा उमेदवार कोण, असाही प्रश्न उपस्थित होत आहे. या मतदारसंघात जिंतूर आणि सेलू तालुक्याचा समावेश आहे. सेलूचे माजी नगराध्यक्ष विनोद बोराडे हे ही काँग्रेसकडून निवडणूक लढविण्यास इच्छुक आहेत. मध्यंतरी त्यांचे बंधू मुकेश बोराडे यांचे नाव चर्चेत होते. दोघांपैकी एक जण रिंगणात उतरेल, असा कयास आहे. जिंतूरचे माजी नगराध्यक्ष प्रताप देशमुख यांनीही निवडणूक लढविण्याची तयारी गेल्या एक वर्षापासून केली आहे. त्यांचा पक्ष कोणता हे आजतरी निश्चित नाही. या मतदारसंघात बहुरंगी लढत होण्याची शक्यता आहे. काँग्रेस आयरामप्रसाद बोर्डीकर७६४२७अपक्ष विजय भांबळे७५२०२शिवसेनाहरिभाऊ लहाने३०५७६ इच्छुकांचे नाव पक्षरामप्रसाद बोर्डीकर काँग्रेसविजय भांबळेराष्ट्रवादीकुंडलिक नागरेकाँग्रेसप्रताप देशमुख----विनोद बोराडेकाँग्रेसलोकसभा निवडणुकीत शिवसेनेचे संजय जाधव यांना ४८५ एवढे मताधिक्य