शनिवारी सकाळी नऊ वाजेपासून योगेश राऊत (२२ रा. माळेगाव धनगर) घरातून बेपत्ता झालेला होता. नातेवाईकांनी त्याचा सर्वत्र शोध घेतला. मात्र, शनिवारी सायंकाळपर्यंत त्याचा पत्ता लागला नाही. रविवारी पुन्हा नातेवाईकांनी परिसरात व शेजारील डोंगरात शोध घेण्यास सुरुवात केली. दरम्यान ‘आईचा खोरा’ या नावाने ओळखले जाणाऱ्या डोंगरातील वनविभागाच्या जागेत आप्पाराव बोराडे यांना झाडाझुडपात अर्धनग्न अवस्थेत मृतदेह आढळून आला. त्यांनी पोलीस पाटील सूर्यभान तुकाराम राऊत यांना दिली. पोलीस पाटील यांनी पिशोर पोलिसांना याबाबत माहिती दिली. सपोनि बालाजी वैद्य व सहाय्यक फौजदार विजय आहेर हे कर्मचाऱ्यांसह घटनास्थळी पोहचले. मृतदेह हा गावातील युवक योगेश राऊतचा असल्याचे स्पष्ट झाले. चिंचोली लिंबाजी येथील प्राथमिक आरोग्य केंद्रात दाखल करून शवविच्छेदन करण्यात आले. पिशोर पोलीस ठाण्यात अकस्मात मृत्युची नोंद झाली आहे.
---------------
हत्या की आत्महत्या दिवसभर चर्चा
योगेश राऊत या युवकाचा मृतदेह वनविभागाच्या अखत्यारीत असलेल्या जंगलात आढळून आला. शनिवारपासून अचानक बेपत्ता झालेला योगेश जंगलात कशासाठी गेला असेल, याबाबत चर्चा होऊ लागल्या. योगेशने आत्महत्या की त्याची हत्या झाली असावी, अशी उलटसुलट चर्चा गावात सुरू होती. दरम्यान उपविभागीय पोलीस अधिकारी पूजा गायकवाड यांनी घटनास्थळाला भेट दिली. सपोनि बालाजी वैद्य यांच्या मार्गदर्शनाखाली उपनिरीक्षक विजय आहेर अधिक तपास करीत आहे. वन विभागाचे वनपाल पी आर परदेशी, वनरक्षक हरिश्चंद्र वाघ आणि वनमजूर सूर्यभान ढाकणे यांची उपस्थिती होती.
फोटो :