बॉलिवूड अभिनेत्री बिपाशा बसू चित्रपटसृष्टीपासून दूर असली तरीही आजही तिची जादू कमी झालेली नाहीय. सध्या बिपाशाचा बिकीनी लूक चर्चेत आला आहे. बिपाशा बासू सध्या व्हॅकेशन एन्जॉय करत आहे. याच दरम्यान तिने हे फोटो शेअर कले आहेत. मालदिव्हजचा सुंदर समुद्रकिनारा आणि बिपाशाच्या पिंक कलरच्या बिकिनीमधील घायाळ करणाऱ्या अदा पाहून चाहते फिदा झाले आहेत. यावरून आजही चाहत्यांची पूर्वी इतकीच ती फेव्हरेट असल्याचे दिसून आले. रुपेरी पडद्यावर अभिनय आणि सौंदर्याने बिपाशाने नेहमीच सर्वांना भुरळ घातली आहे. बिपाशाचा फिटनेस पाहता ती ४२ वर्षांची आहे यावर कुणाचाही विश्वास बसणार नाही.
माझं वजन राष्ट्रीय मुद्दा ठरला होता
विद्या बालन बॉलिवूडची एक अष्टपैलू अभिनेत्री आहे; पण याच गुणी अभिनेत्रीला कधीकाळी तिच्या वाढलेल्या वजनामुळे ट्रोल व्हावे लागले होते. ‘द डर्टी पिक्चर’मध्ये सिल्क स्मिताची भूमिका साकारण्यासाठी विद्याने भरपूर वजन वाढविले होते. यानंतर माझे वाढलेले वजन जणू राष्ट्रीय मुद्दा बनला होता. तो काळ माझ्यासाठी कठीण होता. मी माझाच तिरस्कार करू लागले होते, असे ती म्हणाली. मला आरशात पाहायलाही भीती वाटायची. माझ्या शरीराची लाज वाटायची. होणारी टीका याचा माझ्या मनावर विपरीत परिणाम झाला होता; पण हळूहळू मी यातून बाहेर आले. अर्थात यातून बाहेर येणे इतके सोपे नव्हते, असे विद्याने स्पष्ट केले.
सोनारिकाच्या बोल्ड फोटोवर चाहते फिदा
‘देवो के देव महादेव’ या हिंदी धार्मिक मालिकेतील पार्वतीची भूमिका साकारणाऱ्या सोनारिका भदोरीया सोशल मीडियावरील फोटोंमुळे चर्चेत आली आहे. सोनारिका तिच्या स्टायलिश आणि ग्लॅमरस अंदाजासाठी ओळखली जाते. ती सातत्याने सोशल मीडियात बोल्ड फोटो शेअर करत असते. तिचे चाहते यावर लाइक्स आणि कमेंटचा वर्षाव करतात. तिने 'तुम देना साथ मेरा' या मालिकेतून आपल्या करिअरची सुरुवात केली होती. सोनालिकाने तेलगू आणि तमिळ चित्रपटांमध्येही काम केले आहे. यासोबतच 'सासे' या हिंदी चित्रपटात देखील तिने काम केले आहे.