किरकोळ कारणावरून मारहाण

गंगाखेड : तालुक्यातील कोद्री येथे दोन गटांत किरकोळ कारणावरून मारहाण झाली़ याप्रकरणी २४ जणांविरूद्ध परस्परविरोधी गुन्हे दाखल झाले आहेत़ तालुक्यातील कोद्री येथे दोन गटांत मारहाण झाली़ या प्रकरणी २२ मे रोजी कालिंदाबाई नागनाथ बीडगर (रा़ कोद्री) यांच्या फिर्यादीवरून वैजनाथ ज्ञानोबा लटपटे, संजय गंगाधर लटपटे, कृष्णा गंगाधर लटपटे, निवृत्ती वैजनाथ लटपटे, माधव वैजनाथ लटपटे, बिभीशन लटपटे, यशश्री ज्ञानोबा लटपटे, संगीता निवृत्ती लटपटे, माहेश्वरी माधव लटपटे, जनाबाई पंडीत मुंडे, विठ्ठल नामदेव लटपटे, विजयकुमार हरिराम लटपटे यांच्याविरूद्ध गुन्हा दाखल झाला आहे़ गावातील सप्ताहात पंगतीच्या वाढण्याच्या कारणावरून अपमान का केला म्हणून काठ्याने व लाथाबुक्क्यांनी मारहाण करून जिवे मारण्याची धमकी दिल्याप्रकरणी हा गुन्हा नोंद झाला़ दुसर्‍या गटाकडून संगीता निवृत्ती लटपटे यांनी फिर्याद दिली आहे़ अंबाजोगाई येथील शासकीय रुग्णालयात त्या दाखल असताना ही फिर्याद दिली़ त्यांच्या फिर्यादीवरून नागनाथ नारायण बीडगर, कालिंदा नागनाथ बीडगर, यशोदा विष्णू यमगीर, अर्जुन नागनाथ बीडगर, लिंबाजी शिवाजी बीडगर, विष्णू यमगीर, संभाजी राघोजी बीडगर, ज्ञानोबा नारायण बीडगर, महादेव ज्ञानोबा बीडगर, राघोजी संभाजी बीडगर, सुखदेव ज्ञानोबा बीडगर, राम विष्णू यमगीर यांच्याविरूद्ध गुन्हा दाखल झाला आहे़ वरील लोकांनी किरकोळ कारणावरून घरात घुसून दगडाने व लाथाबुक्क्याने मारहाण केली, असे या तक्रारीत म्हटले आहे़ या प्रकरणात दोन्ही बाजूंच्या २४ जणांविरूद्ध गुन्हा दाखल झाला असून, गंगाखेड पोलिस ठाण्याचे पोलिस निरीक्षक उत्तम चव्हाण यांच्या मार्गदर्शनाखाली पोलिस उपनिरीक्षक नितीन खंडागळे, जमादार एल़ डी़ घोबाळे तपास करीत आहेत़ (प्रतिनिधी)