===========
भडकलगेट येथून टेम्पो पळविला
औरंगाबाद : भडकलगेट येथे उभा करून ठेवलेला टेम्पो (क्रमांक एमएच २३ एयू ०२२४) चोरट्यांनी लंपास केला. ९ रोजी ही घटना झाली. अनिस खाजा शेख (रा. बीड) यांनी सिटीचौक ठाण्यात तक्रार नोंदविली.
========
गरम तेलाची कढई अंगावर फेकली
औरंगाबाद : चायनीज गाडीसमोर दुचाकी उभी करण्यावरून झालेल्या भांडणात एका जणाच्या अंगावर उकळत्या तेलाची कढई फेकल्याची घटना ९ रोजी जवाहर कॉलनी रोडवर झाली. यात संजय पुंडलिक सूर्यवंशी हे गंभीररीत्या भाजले. याप्रकरणी आरोपी बळीराम ऊर्फ बळी दशरथ राठोड, आकाश राठोड आणि एका महिलेवर जवाहरनगर पोलिसांनी गुन्हा नोंदविला.
=====
जुन्या वादातून मारहाण
औरंगाबाद : म्हशीचा गोठा हलविण्यासंदर्भात न्यायालयात केस हरल्यामुळे रागातून माय-लेकाला मारहाण करण्यात आल्याची घटना शिवशंकर कॉलनीत घडली. याविषयी राहुल भरतलाल जैस्वाल यांच्या तक्रारीवरून पोलिसांनी आरोपींविरुद्ध गुन्हा नोंदविला. पंडित काळे, अजय काळे आणि लक्ष्मीकांत ऊर्फ अर्जुन काळे यांचा आरोपींत समावेश आहे.