६६ गावांना ९ कोटी रुपयांचे वाटप

उद्धव चाटे, गंगाखेड गंगाखेड तालुक्यात वादळी वार्‍यासह गारपिटीमध्ये पिकांचे अतोनात नुकसान झाले होते. या नुकसानीपोटी तालुक्यातील ४४ हजार खातेदारांना १७ कोटी रुपयांचे अनुदान मंजूर झाले आहे. त्यापैकी ६६ गावांमध्ये ९ कोटी रुपयांचे अनुदान वाटप करण्यात आले. तालुक्यात १०६ गावांचा समावेश असून ६६ गावांना ९ कोटी रुपयांचे अनुदान वाटप केले आहे. उरलेल्या ३८ गावांसाठी ८ कोटी रुपये उपलब्ध झाले आहेत. ही रक्कम जिल्हा मध्यवर्ती बँकेत टप्प्याटप्याने वाटप केली जाणार आहे. तालुक्यातील शेतकरी नैसर्गिक आपत्तीत सापडल्यामुळे पूर्णत: हतबल झाला होता. परंतु, शासनाने तत्काळ गांभीर्य लक्षात घेऊन या शेतकर्‍यांना अनुदान वाटप करुन सावरण्याचा प्रयत्न केला. तालुक्यातील ४४ हजार खातेदार शेतकर्‍यांना या अनुदानाचा थोडाबहुत फायदा झाला. या तालुक्यात गारपिटीचे अनुदान तत्काळ आले. परंतु, जिल्हा मध्यवर्ती बँक आपल्या सोयीने अनुदानाचे वाटप करीत आहे. बँकेने लवकरात लवकर अनुदान वाटप करावे, अशी शेतकर्‍यांची मागणी आहे. तालुक्यातील शेतकरी गारपिटीमुळे त्रस्त झाला असून त्यांना कोणतीही अडचण येऊ न देता ६६ गावांना ९ कोटी रुपयांचे अनुदान वाटप केले आहे. उरलेल्या ३८ गावांसाठी ८ कोटी रुपये आले असून ते तत्काळ बँकेत जमा करण्यात येत आहेत. तालुक्यातील १०६ गावांतील ४४ हजार खातेदार शेतकर्‍यांना या अनुदानाचा फायदा होणार असल्याचे तहसीलदार अविनाश शिंगटे यांनी ‘लोकमत’शी बोलताना सांगितले.गारपिटीने नुकसानग्रस्त झालेल्या ३८ गावांना ८ कोटी रुपयांचे अनुदान मिळाले असून हे अनुदान जिल्हा मध्यवर्ती बँकेमार्फत टप्प्या टप्प्याने वाटप केले जाणार आहे. अनुदान मंजूर झालेली गावे अशी- बडवणी/ आनंदनगर, भांबरवाडी, धनगरमोहा, ढवळकेवाडी, ढेबेवाडी, डोंगरगाव, डोंगरपिंपळा, गुंजेगाव, गौंडगाव, हरंगूळ, इसाद, कड्याची वाडी, कातकरवाडी, खादगाव, खळी, खंडाळी, खोकलेवाडी, कोद्री, महातपुरी, मानकादेवी, मसला, नरळद, निळा नाईक तांडा, पडेगाव, पिंपळदरी, पिंपरी, पोटा, पोखर्णी वा., सांगळेवाडी, शंकरवाडी, शेंडगा, सुप्पा ज., उखळी बु., उंबरवाडी, उंडेगाव, वाघदरा, वाघदरा तांडा, वागदरा.