पंचायत समितीच्यावतीने महिला मेळावा

नागभीड : तालुका अभियान व्यवस्थापन कक्ष व पंचायत समिती नागभीड यांच्या विद्यमाने महिला मेळावा घेण्यात आला. या महिला मेळाव्यात तालुक्यातील महिलांची उपस्थिती होती. पंचायत समितीच्या सभागृहात पार पडलेल्या या महिला मेळाव्याचे उद्घाटन उपसभापती रागिणी गुरुपुडे यांनी केले. अध्यक्षस्थानी सभापती प्रफुल्ल खापर्डे होते. प्रमुख अतिथी म्हणून जि. प. सदस्य खोजराम मरस्कोल्हे, जि. प. सदस्य संजय गजपुरे, गटविकास अधिकारी प्रणाली खोचरे, बाल विकास प्रकल्प अधिकारी राजेंद्र ठोंबरे उपस्थित होते. महिला दिनाचे औचित्य साधून ग्रामीण भागात सन २०१९ - २१ या कालावधीत उत्कृष्टरीत्या काम केलेल्या विविध सखींचा सन्मानचिन्ह देऊन सत्कार करण्यात आला. प्रस्ताविक तालुका अभियान व्यवस्थापक मोहीत नैताम यांनी केले. संचालन ज्योती साळवे यांनी तर आभार दीपाली दोडके यांनी मानले.