चंद्रपूर बचाव संघर्ष समितीकडून महिलांचा सत्कार

चंद्रपूर : चंद्रपूर बचाव संघर्ष समितीतर्फे येथील भारती हाॅस्पिटलमध्ये कर्तृत्ववान महिलांचा सत्कार कार्यक्रमाचे आयोजन करण्यात आले होेते. यावेळी अध्यक्षस्थानी सामाजिक कार्यकर्त्या कल्पना पलिकुंडवार, प्रमुख अतिथी म्हणून डाॅ. नसरीन मावानी, विशेष अतिथी डाॅ. जयश्री कापसे-गावंडे यांची उपस्थिती होती. यावेळी सीबीएसएसचे अध्यक्ष डाॅ. गोपाल मुंधडा यांनी प्रास्ताविकात कार्यक्रमाची भूमिका मांडली. याप्रसंगी कल्पना पलिकुंडवार यांनी मार्गदर्शन केले. यावेळी विविध क्षेत्रात उल्लेखनीय कामगिरी करणाऱ्या संगीता लोखंडे, संजीवनी कुबेर, डाॅ. जयश्री कापसे-गावंडे, वनश्री मेश्राम, अश्विनी खोब्रागडे यांचा सत्कार करण्यात आला. तर गोंडवाना विद्यापीठातून एलएलबीमध्ये गुणवत्ता यादीत आल्याबद्दल स्व. न्यायाधीश नारायणदासजी मानुधने यांच्या स्मृतिप्रीत्यर्थ ॲड. शिवानी मुन्ना ढोरके यांना भारती हाॅस्पिटलतर्फे डाॅ. भारती मुंधडा यांच्या हस्ते सन्मान करण्यात आला. फार्मसीमध्ये प्राविण्य मिळविल्याबद्दल अल्वीरा शेख यांचाही यावेळी सत्कार करण्यात आला. संचालन अश्विनी खोब्रागडे तर आभार डाॅली चव्हाण यांनी मानले. यावेळी मोठ्या संख्येने सदस्यांची उपस्थिती होती.