wd: बल्लारपुरातील ३२ वॉर्ड समस्याग्रस्त

आम आदमी पक्षाचे शहर संयोजक रवीकुमार पुप्पलवार यांनी पक्षाचे कार्यकर्ते अफजल अली, ॲड. पवन वैरागडे, आसीफ हुसेन, नीलेश जाधव, अवदेश तिवारी, आदित्य खरतड, समशेरसिंग चव्हाण, राकेश वडस्कर, आदर्श नारायणदास यांना सोबत घेऊन शहरातील ३२ वॉर्डांचे सर्वेक्षण केले. यामध्ये त्यांना वॉर्डांची दुर्दशा दिसून आली आहे; परंतु पंडित दीनदयालन वॉर्ड, डॉ. राजेंद्र प्रसाद वॉर्ड, रवींद्रनगर वॉर्ड, विद्यानगर वॉर्ड, महाराणा प्रताप वॉर्ड, जयभीम चौक ते बालाजी कॉम्प्लेक्सपर्यंत, गणपती वॉर्ड दादाभाई नौरोजी वॉर्ड, गोरक्षण वॉर्ड या सर्व वॉर्डांत नाल्या तुंबल्याचे दिसून आले. घाण पाणी रस्त्यावर वाहते. नाल्यांची झाकणे गायब आहेत. सर्वच वॉर्डांत ठेकेदारांनी लावलेल्या पेव्हर्सची दयनीय अवस्था आहे. ठिकठिकाणी सिमेंट रॉड तोडलेले आहेत. यासंदर्भात आप पक्षाच्या पदाधिकाऱ्यांनी मुख्याधिकारी विजय सरनाईक यांना भेटून समस्यांची माहिती दिली, तर नगर अभियंता संजय बोढे यांना निवेदन दिले.