भद्रावती : लोकमत सखी मंच आयोजित केलेला दांडिया स्पर्धेचे उद्घाटन हंसराज अहीर यांच्या हस्ते होणार होते. परंतु काही कारणास्तव ते कार्यक्रमाला उपस्थित राहू शकले नाहीत. त्यामुळे दुसऱ्या दिवशी त्यांनी स्वत: लोकमत सखी मंच सदस्यांना भेट दिली. ही भेट ज्येष्ठ सामाजिक कार्यकर्ते बाळकृष्ण बन्सोड यांच्या घरी ठरविण्यात आली होती.ना. अहीर यांचे लोकमत सखी मंच तालुका संयोजिका अल्का वाटकर यांनी लोकमत सखी सन्मान चिन्ह व ुपुष्प देऊन स्वागत केले. तसेच सर्व सखींनी गुलाब फुल देऊन त्यांचे स्वागत केले. प्रवीण झाडे यांनी ना. अहीर यांना शाल व श्रीफळ देऊन स्वागत केले.या छोट्याशा भेटीला लोकमत सखी मंच शेकडो सदस्या व शिक्षिका तृप्ती हिरादेवे, वर्षा पढाल, काजल येसेकर, सुलोचना बन्सोड उपस्थित होत्या. भद्रावती येथील ज्येष्ठ नागरिक, बालगोपाल, भारतीय जनता पार्टीचे राजू भलमे, प्रवीण सातपुते, तसेच शेकडो कार्यकर्ते व पदाधिकारी उपस्थित होते. भद्रावती लोकमत सखी मंच सदस्यांना भेट दिल्याबद्दल धन्यवाद दिले. (प्रतिनिधी)
दांडिया स्पर्धेला केंद्रीय गृहराज्यमंत्र्यांची भेट
By admin | Updated: October 20, 2016 00:52 IST