झरण वनपरिक्षेत्रात लाकूड कटाईची कामे सुरु

संचारबंदीच्या काळात वन अधिकारी व कर्मचारी संचारबंदीच्या अटी व नियमानुसार वनांमध्ये गस्त करणे, आगीपासून जंगलाचे सरक्षण करणे, वन्यप्राण्याचे शिकारीपासून रक्षण करणे, अवैध तोड रोखणे यासारख्या अत्यावश्यक सेवा झरण वनपरिक्षेत्रात पुरविल्या जात आहेत. रोपवन करण्याकरिता पूर्व पावसाळी कामे करणे अत्यंत गरजेचे असल्याने मध्यचांदा विभागातील इतर वनपरिक्षेत्राप्रमाणे झरण वनपरिक्षेत्रातील कक्ष क्रमांक ४ व इतर ठिकाणी संचारबंदीचे नियम पाळून कामे सुरू आहेत.

ठळक मुद्देलॉकडाऊनमध्ये स्थानिक मजुरांना मिळाले काम : फिजिकल डिस्टन्सिंगचे पालन

लोकमत न्यूज नेटवर्कआक्सापूर : आज कोरोना महामारीमुळे देशभरासह राज्यावर मोठे आर्थिक संकट उभे आहे. त्यामुळे संचारबंदीचा कालावधीला सव्वा महिना पूर्ण झाला असून आणखी तो वाढण्याची चिन्ह दिसत आहेत. राज्याला आर्थिक संकटापासून सावरण्यासाठी शासनाने शेती व्यवसाय, मत्स व्यवसाय तसेच काही उद्योगधंद्यांना संचारबंदीच्या अटी व नियमांचे पालन करून शिथिलता दिलेली आहे. त्यामुळे झरण वनपरिक्षेत्रातर्गत लाकूडकटाईची कामे सुरू करण्यात आली आहे. त्यामुळे मजुरांना दिलासा मिळाला आहे.संचारबंदीच्या काळात वन अधिकारी व कर्मचारी संचारबंदीच्या अटी व नियमानुसार वनांमध्ये गस्त करणे, आगीपासून जंगलाचे सरक्षण करणे, वन्यप्राण्याचे शिकारीपासून रक्षण करणे, अवैध तोड रोखणे यासारख्या अत्यावश्यक सेवा झरण वनपरिक्षेत्रात पुरविल्या जात आहेत. रोपवन करण्याकरिता पूर्व पावसाळी कामे करणे अत्यंत गरजेचे असल्याने मध्यचांदा विभागातील इतर वनपरिक्षेत्राप्रमाणे झरण वनपरिक्षेत्रातील कक्ष क्रमांक ४ व इतर ठिकाणी संचारबंदीचे नियम पाळून कामे सुरू आहेत. शासन नियमानुसार कामावर असलेल्या मजुरांना मास्क, सॅनिटायझर आणि वेळोवेळी हात धुण्यासाठी साबण इत्यादीचा पुरवठा करण्यात आला आहे. यामुळे कोरोनाच्या पार्श्वभूमीवर गोंडपिपरी तालुक्यातील काही गावांना रोजगार उपलब्ध होत आहे. मजुरांना यामुळे दिलासा मिळाला आहे.पावसाळा सुरू होण्यापूर्वी काम करणे अत्यंत आवश्यक असल्याने शासनाच्या जीआरनुसार सोशल डिस्टन्स पाळून मजुरांकरवी काम सुरु आहे. त्यांना मास्क, सॅनिटायझर पुरवण्यात आले असून खबरदारी घेतली जात आहे.-अनिकेत मोटे, वनाधिकारी वनपरिक्षेत्र झरण.