तळोधी बा. येथे आज लोकमतचे रक्तदान शिबिर

या शिबिराचे उद्घाटक म्हणून कृषी उत्पन्न बाजार समिती नागभीडचे सभापती अवेश पठाण, तर अध्यक्ष म्हणून तळोधी बा. ग्रामपंचायतचे सरपंच छाया घनश्याम मदनकर राहतील. प्रमुख पाहुणे म्हणून जि. प. सदस्य खोजराम मरसकोल्हे, उपसरपंच राजेश घिये, कृषी उत्पन्न बाजार समिती उपसभापती रमेश बोरकर, नागभीड तालुका भाजपा अध्यक्ष संतोष रडके, राष्ट्रवादी काँग्रेस तालुका अध्यक्ष रघुनाथ बोरकर, डाॅ. गौरव देशमुख, डाॅ. जगदीश कामडी, पोलीस उपनिरीक्षक आकाश साखरे, सरपंच सघटनेचे जिल्हा अध्यक्ष व उश्रामेंढाचे सरपंच हेमंत लाजेवार, विनोद बोरकर यांची उपस्थिती राहणार आहे. या शिबिरामध्ये तळोधी बा. येथील भारतीय राष्ट्रीय काँग्रेस, भारतीय जनता पार्टी, शिवसेना, वंचित बहुजन आघाडी, पत्रकार संघ तळोधी, लोकमत सखी मंच, अखिल भारतीय विद्यार्थी परिषद, विश्व हिंदू परिषद, डाॅक्टर व मेडिकल असोसिएशन, स्कार्ब नेचर संस्था, गुरुदेव सेवा मंडळ सावरगाव, राजीव गांधी युवा क्लब मंडळ सावरगाव, राहुल गांधी विचारमंच यांचा सहभाग राहणार आहे. या राष्ट्रीय कार्यात सहभाग नोंदविण्यासाठी नागभीड तालुका प्रतिनिधी घनश्याम नवघडे, तळोधी बा. प्रतिनिधी संजय अगडे, सावरगाव प्रतिनिधी राजेश बारसागडे व लोकमत सखी मंच संयोजिका संगीता संजय अगडे यांच्याशी संपर्क साधावा.