घुग्घुस नगर परिषदेचा विषय समितीपुढे सकारात्मकपणे मांडणार

घुग्घुस ग्रामपंचायतीला नगर परिषदेचा दर्जा बहाल करण्यात यावा, याबाबतचा विषय नवीन नगर पंचायत व नगर परिषद स्थापन मंत्रिमंडळ उपसमितीपुढे सकारात्मकपणे मांडणार अशी ग्वाही या समितीचे अध्यक्ष व राज्याचे वित्त व नियोजन मंत्री व जिल्ह्याचे पालकमंत्री सुधीर मुनंगटीवार यांनी चंद्रपूर जिल्हा शहर काँग्रेस कमिटी सचिव महेश मेंढे यांच्या नेतृत्त्वातील शिष्टमंडळाला दिली.

ठळक मुद्देसुधीर मुनगंटीवार : शिष्टमंडळाला ग्वाही

लोकमत न्यूज नेटवर्कचंद्रपूर : घुग्घुस ग्रामपंचायतीला नगर परिषदेचा दर्जा बहाल करण्यात यावा, याबाबतचा विषय नवीन नगर पंचायत व नगर परिषद स्थापन मंत्रिमंडळ उपसमितीपुढे सकारात्मकपणे मांडणार अशी ग्वाही या समितीचे अध्यक्ष व राज्याचे वित्त व नियोजन मंत्री व जिल्ह्याचे पालकमंत्री सुधीर मुनंगटीवार यांनी चंद्रपूर जिल्हा शहर काँग्रेस कमिटी सचिव महेश मेंढे यांच्या नेतृत्त्वातील शिष्टमंडळाला दिली.घुग्घुस ग्रामपंचायतीला नगर परिषदेचा दर्जा प्राप्त व्हावा, या अनुषंगाने विधान परिषद उपसभापतींनी बैठक बोलावून अधिसूचना काढण्याचे निर्देश चंद्रपूर जिल्हाधिकाऱ्यांना दिले होते.यानंतर नवीन नगर पंचायत व नगर परिषद स्थापन मंत्रिमंडळ उपसमितीचे अध्यक्ष व राज्याचे वित्तमंत्री सुधीर मुनगंटीवार यांची चंद्रपूर जिल्हा शहर काँग्रेस कमिटीच्या शिष्टमंडळाने भेट घेऊन चर्चा केली.यावेळी ना. मुनगंटीवार यांनी सदर बाब सकारात्मक घेतली आहे. समितीपुढे घुग्घुस नगर परिषदेचा विषय सकारात्मकपणे मांडणार असल्याची मंत्रीमहोदयांनी दिली. तसेच लवकरात लवकर शासनास प्रस्ताव मागवून घेण्यात येईल, अशी ग्वाही दिल्याची माहिती शिष्टमंडळाने एका प्रसिद्धी पत्रकातून दिली आहे.तसेच समितीचे सदस्य ना. दीपक सावंत, ना. प्रकाश मेहता, ना. गिरीष महाजन यांनाही निवेदन देण्यात आले.निवेदन देताना शिष्टमंडळात महेश मेंढे यांच्यासह चंद्रपूर कृषी उत्पन्न बाजार समितीचे सभापती दिनेश चोखारे, चंद्रपूर पंचायत समिती माजी सभापती रोशन पचारे, घु्ग्घुस ग्रामपंचायत सदस्य पवन आगदारी, बबलू सातपुते, प्रेमानंद जोगी उपस्थित होते.