बाळू धानोरकर : १२ कोटी ६४ लाखांचे प्रशस्त रुग्णालय जनसेवेसाठी सज्ज
राजुरा : आमदार सुभाष धोटे यांच्या परिश्रमाने पूर्णत्वास आलेल्या १०० खाटांचे उपजिल्हा रुग्णालय राजुराचे लोकार्पण आ. धोटे यांच्या हस्ते आणि खासदार बाळू धानोरकर यांच्या प्रमुख उपस्थितीत झाले.
अध्यक्षीय मार्गदर्शन करताना खा. धानोरकर म्हणाले, आ. सुभाष धोटे यांनी राजुरा विधानसभा क्षेत्राच्या सर्वांगीण विकासासाठी सातत्याने पाठपुरावा केला असून त्यांच्या परिश्रमाने सुसज्ज असे राजुरा उपजिल्हा रुग्णालय जनसेवेसाठी सज्ज झाले आहे. हे रुग्णालय राजुरा क्षेत्राच्या नागरिकांसाठी वरदान ठरणार आहे.
उद्घाटनपर मार्गदर्शन करताना आमदार सुभाष धोटे यांनी सांगितले, राज्याचे तत्कालीन मुख्यमंत्री अशोकराव चव्हाण यांनी १९ डिसेंबर २०१० रोजी राजुरा येथील कार्यक्रमात श्रेणीवर्धीत १०० खाटांच्या उपजिल्हा रुग्णालयाची घोषणा केली होती. त्या घोषणेच फलित आज राजुरा तालुक्यातील नागरिकांना प्रत्यक्ष पहावयास मिळत आहे. निश्चितपणे हे रुग्णालय क्षेत्रातील जनतेच्या सेवेसाठी मैलाचा दगड ठरणार आहे, असा विश्वास त्यांनी व्यक्त केला.
याप्रसंगी प्रमुख पाहुणे म्हणून जिल्हाधिकारी अजय गुल्हाने, नगराध्यक्ष अरुण धोटे, जिल्हा चिकित्सक निवृत्ती राठोड, कार्यकारी अभियंता संतोष जाधव, उपविभागीय अधिकारी संपत खलाटे, तहसीलदार हरीश गाडे, पोलीस निरीक्षक चंद्रशेखर बहादूरे, मुख्याधिकारी आर्शिया जुही, जेष्ठ नेते हमीदभाई, तालुका काँग्रेसचे अध्यक्ष रंजन लांडे, सभापती मुमताज अब्दुल जावेद, उपसभापती मंगेश गुरनुले, साईनाथ बतकमवार, उपनगराध्यक्ष सुनील देशपांडे, ओबीसी ग्रामीण जिल्हाध्यक्ष नंदु वाढई, राजुरा विधानसभा युवक काँग्रेस अध्यक्ष एजाज अहमद, ॲड. सदानंद लांडे, वैद्यकीय अधीक्षक डॉ. लहू कुलमेथे आणि अभियंता ए.ए. बाजारे, शाखा अभियंता वैभव जोशी उपस्थित होते. प्रास्ताविक जिल्हा शल्य चिकित्सक डॉ. निवृत्ती राठोड यांनी तर आभार प्रदर्शन वैद्यकीय अधिक्षक डॉ. लहू कुलमेथे यांनी केले. संचालन प्रयोगशाळा तंत्रज्ञ चंद्रकांत नेवलकर यांनी केले.