ब्राॅडगेज मेट्रो प्रकल्पात अमरावती, यवतमाळ, वडसा, गोंदिया, रामटेक यादी शहरांचा समावेश करण्यात आला आहे. परंतु, औद्योगिकदृष्ट्या महत्त्वाच्या चंद्रपूर, बल्लारपूरचा समावेश नसल्याने राज्याचे माजी अर्थमंत्री सुधीर मुनगंटीवार यांनी या दोन शहरांचा प्रकल्पात समावेश करण्याची गरज ना. गडकरी यांच्याकडे केली. चंद्रपूर व बल्लारपूर या शहरांचा प्रकल्पात समावेश करण्याचे आश्वासन गडकरी यांनी दिले.
ब्राॅडगेज मेट्रो प्रकल्पात चंद्रपूरचा समावेश होण्याचा मार्ग मोकळा झाल्याने महत्त्वाचे स्थान असलेल्या वरोरा रेल्वे स्थानकावर या ब्राॅडगेज मेट्रोचा थांबा देण्यात यावा, अशी मागणी वरोरा तालुका भाजपच्या वतीने बाबा भागडे यांनी केली आहे. या परिसरात जगप्रसिद्ध आनंदवन, दोन औष्णिक विद्युत प्रकल्प तसेच अनेक कोळशाच्या खाणी आहेत. येथील अधिकारी, कर्मचारी तसेच व्यापाऱ्यांना नागपूरला जाणे सोयीचे होईल.