एकाच रात्री चार दुकाने फोडली

शहरातील अत्यंत गजबजलेल्या आनंंदवन चौकातील चार दुकाने एकाच रात्री चोरट्यांनी फोडून मुद्देमाल पळविला होता.

वरोरा पोलिसांची कामगिरी : काही तासातच आरोपी अटकेतवरोरा : शहरातील अत्यंत गजबजलेल्या आनंंदवन चौकातील चार दुकाने एकाच रात्री चोरट्यांनी फोडून मुद्देमाल पळविला होता. एकाच रात्री चार दुकाने फोडून चोरट्यांनी पोलिसांसमोर आव्हान उभे केले. पोलिसांनी अवघ्या काही तासात चोरट्यांना चोरलेल्या मालासह ताब्यात घेऊन चोरट्यांचे आव्हान संपुष्टात आणले.वरोरा शहरातील आनंदवन चौकातील धनराज नलगीमवार, अतुल पंधरे, आनंद सोरते, विलास देहारकर यांची चार दुकाने २६ मे रोजी रात्री चोरट्यांनी एकाच वेळी फोडली. चारही दुकानातील पाच हजार रुपयांचा ऐवज पळविला. याबाबत वरोरा पोलीस स्टेशनमध्ये रात्री तक्रार करण्यात आली. वरोरा पोलिसांनी तक्रारीची तात्काळ दखल घेत घटनास्थळ गाठून सर्वत्र नाकेबंदी सुरू केली. त्यावेळी चार चोरटे पाटाळा फाट्यावर संशयास्पद स्थितीत आढळून आले. त्यांची पोलिसांनी कसून चौकशी केली असता त्यांनी आनंदवन चौकातील दुकानातून चोरलेले साहित्य पोलिसांच्या स्वाधीन केले. चारही चोरटे अल्पवयीन असून माजरी परिसरातील रहिवासी असल्याचे समजते. एकाच वेळी चार दुकाने फोडून मुद्देमाल चोरणाऱ्या अल्पवयीन टोळीस पोलिसांनी अवघ्या काही तासात जेरबंद केल्याने चोरट्यांचे तूर्तास धाबे दणाणले आहे. (तालुका प्रतिनिधी)