ठळक मुद्देमाजी अर्थमंत्री सुधीर मुनगंटीवार, माजी केंद्रीय मंत्री हंसराज अहीर यांच्यासह कार्यकर्ते सहभागीनिषेधार्थ सगळ्यानी लावले मास्क
लोकमत न्यूज नेटवर्कचंद्रपूर: भाजप नेते माजी अर्थमंत्री सुधीर मुनगंटीवार व माजी केंद्रीय गृह राज्यमंत्री हंसराज अहिर यांनी शुक्रवारी सकाळी १० च्या सुमारास आपापल्या घराच्या अंगणात भाजप कार्यकर्त्यांसह हातात राज्य सरकारविरोधी घोषणा असलेले फलक घेऊन आंदोलन केले. हे आंदोलन करताना माजी मंत्र्यांसह कार्यकर्त्यांनी आपल्या तोंडावर काळे मास्क लावले होते.राज्य सरकार लॉकडाऊनची स्थिती व कोरोनाची लागण रोखण्यात अपयशी झाले आहे. कोरोनाचा प्रादुर्भाव दररोज वाढता असण्यामागे सरकारचे निष्काळजीपण आहे. हे सरकार निर्णय घेण्यास सक्षम नाही असे आरोप भाजपाच्या आंदोलकांनी यावेळी केले होते. हाती निषेधाचे फलक घेतलेले व तोंडाला मास्क लावलेले कार्यकर्ते आणि नेते यांनी, यावेळी सरकारविरोधी घोषणा दिल्या.