पूर परिस्थितीची रंगीत तालीम आणि बोट चालक सराव

पूर म्हटले की चंद्रपूरकरांच्या उरात धडकी भरते. चंद्रपूरकरांनी भिषण पूर अनुभवला असून अतोनात नुकसानीला सामोरे जावे लागेल.

चंद्रपूर : पूर म्हटले की चंद्रपूरकरांच्या उरात धडकी भरते. चंद्रपूरकरांनी भिषण पूर अनुभवला असून अतोनात नुकसानीला सामोरे जावे लागेल. अशी वेळ पुन्हा येऊ नये, यासाठी आपत्ती व्यवस्थापन अंतर्गत जिल्हा आपत्ती व्यवस्थापन प्राधिकरण जिल्हाधिकारी कार्यालयातर्फे इरई धरण, चंद्रपूर येथे पुर परिस्थितीची रंगीत तालीम व बोट चालक सराव कार्यक्रम घेण्यात आला.कार्यक्रमाचे आयोजन जिल्हाधिकारी डॉ.दीपक म्हैसेकर, अतिरीक्त जिल्हाधिकारी संजय धिवरे, निवासी उपजिल्हाधिकारी संजय दैने यांच्या मार्गदर्शनाखाली करण्यात आले. जिल्हा आपत्ती व्यवस्थापन अधिकारी निलेश तेलतुंबडे तसेच शोध व बचाव पथक प्रमुख तथा जिल्हा क्रीडा अधिकारी मुष्ताक यांच्या उपस्थितीमध्ये रंगीत तालीमला सुरुवात झाली. जिल्हा शोध व बचाव पथकातील सदस्यांना मान्सुन पूर्व तयारी अंतर्गत पूर परिस्थिती हाताळण्याकरिता बोट चालकांचे सराव होण्यासंबंधाने सदर कार्यक्रमाचे आयोजन करण्यात आले होते.शोध व बचाव पथकातील सदस्य बोट चालक व प्रशिक्षक सुनिल नागतोडे, पोलीस विभागातील बोटचालक व प्रशिक्षक अशोक गर्गेलवार तसेच शोध व बचाव पथकातील सदस्य विजय मोरे, राजेश दुर्गे, प्रफुल्ल केमेकर, मनोज हांडे, दिलीप चव्हाण, उमेश बनकर तसेच शोध व बचाव पथकातील अनेक सदस्य उपस्थित होते. कार्यक्रमाला चंद्रपूर महाऔष्णिक विद्युत केन्द्राचे ज्युनिअर फायर आॅफीसर सि.एन.अघम, सुरक्षितता अधिकारी एच.जी.गांवडे, के.एम.नरवाड तसेच व्हि.पी.बिरुड व इतर अधिकाऱ्यांनी सहकार्य केले. (शहर प्रतिनिधी)