शालवन बुद्ध विहारात प्रबोधन कार्यक्रम

चंद्रपूर : शहरापासून जवळच असलेल्या ऊर्जानगर येथील शालवन बुद्ध विहारात ब्ल्यू मिशन पब्लिक ट्रस्टच्या वतीने रविवारी प्रबोधन कार्यक्रम पार पडला. यावेळी बुद्ध - धम्म - संघ वंदनेचे पठण करण्यात आले. कार्यक्रमाला प्रमुख पाहुणे म्हणून हरिभाऊ उराडे, राहुल वावडे, प्रमोद वाघ, दीपक आवळे आदी उपस्थित होते. यावेळी शालवन बुद्ध विहाराला ब्ल्यू मिशन ट्रस्टतर्फे तथागत गौतम बुद्ध यांचे तैलचित्र भेट देण्यात आले. यावेळी कार्यक्रमाचे आयोजक अजय पागडे तसेच ब्ल्यू मिशन ट्रस्टचे मार्गदर्शक प्रा. दुषंत नगराळे यांनी मार्गदर्शन केले. त्यानंतर महाबोधी बुध्द विहार, दुर्गापूर येथेसुद्धा टस्टच्या वतीने तथागत भगवान गौतम बुद्ध यांचे तैलचित्र भेट देण्यात आले. यावेळी अजय पागडे, ब्ल्यू मिशन ट्रस्टचे अध्यक्ष अल्का मोटघरे आदी उपस्थित होते.