पोलिसांच्या धाडीत पावणेदोन लाखांची दारू जप्त

ब्रह्मपुरी शहर व तालुक्यातील दारूविक्री व अवैध व्यवसाय बंद करण्यासाठी सामाजिक संघटनांनी एकत्रि येऊन तहसीलदाराला निवेदन दिले होते. याची दखल घेऊन ठाणेदार बाळासाहेब खाडे यांनी नुकतीच विशेष पथके तयार करून शहरात व तालुक्यात छापे टाकण्याची कारवाई सुरू केली. पेठवार्ड येथील कन्हय्यासिंग भुराणी याच्या घरावर छापा टाकून देशी व विदेशी दारू हस्तगत केली

लोकमत न्यूज नेटवर्कब्रह्मपुरी : शहरासह तालुक्यातील विविध चार ठिकाणी पोलिसांनी रविवारी छापा टाकून पावणेदोन लाखांची दारू जप्त करून चौघांविरूद्ध गुन्हा दाखल केला आहे.ब्रह्मपुरी शहर व तालुक्यातील दारूविक्री व अवैध व्यवसाय बंद करण्यासाठी सामाजिक संघटनांनी एकत्रि येऊन तहसीलदाराला निवेदन दिले होते. याची दखल घेऊन ठाणेदार बाळासाहेब खाडे यांनी नुकतीच विशेष पथके तयार करून शहरात व तालुक्यात छापे टाकण्याची कारवाई सुरू केली. पेठवार्ड येथील कन्हय्यासिंग भुराणी याच्या घरावर छापा टाकून देशी व विदेशी दारू हस्तगत केली. मेंडकी येथील मनोज गजभिये हा मोहाची अवैध दारू विकत असल्याने त्याच्याकडून १५ लिटर मोहाची दारू जप्त केली. कळंबगाव येथील हत्यारसिंग दुधानी व अंबरसिंग दुधानी हे दोघे चिचखेडा कॅनलवर दारू विकत असल्याची माहिती मिळाली असता मोठ्या शिताफीने पिंपळगाव (खरकडा) येथील दोघांना ताब्यात घेतले. आरोपी नदी घाटावरून दुचाकीने देशी दारूची तस्करी करीत असल्याची कबुली दिली. दोघांची झडती घेतली असता दोन पोत्यात देशी दारूचे एकहजार बाटला हस्तगत लपवून ठेवल्याचे सांगितले. या चारही कारवायांमध्ये दुचाकीसह पावणेदोन लाखांची देशी दारू जप्त केली. सदर कारवाई उपविभागीय पोलिस अधिकारी मिलिंद शिंदे व ठाणेदार बाळासाहेब खाडे यांच्या मार्गदर्शनाखाली पोलीस उपनिरीक्षक उपनी अश्विनकुमार खेडीकर, सहाय्यक पोलीस निरीक्षक सतीश बन्सोड, अख्तर सय्यद, कृणाल हेमके, शुभांगी शेमले, खंडूजी मुंडकर, पवन डाखरे, खुशाल उराडे, अनूप कवठेकर,संदेश देवगडे, उमेश बोरकर आदींनी केली आहे. कोरोनामुळे लॉकडाऊन सुरू असताना गावागावांमध्ये दारू विक्री सुरू असल्याची तक्रार काही दिवसांपूर्वी महिलांनीही ठाण्यात केली होती हे विशेष.