बाधित मृतांसह अ‍ॅक्टिव्ह रूग्णांची संख्याही घसरली

जिल्ह्यात बाधित आढळलेल्या ११ रूग्णांमध्ये चंद्रपूर महानगरपालिका क्षेत्रातील १, चंद्रपूर तालुका १, बल्लारपूर २, गोंडपिपरी २, राजुरा १, मूल ३ व वरोरा तालुक्यातील एका रूग्णाचा समावेश आहे. भद्रावती, ब्रह्मपुरी, नागभीड, सिंदेवाही, सावली, पोंभूर्णा, चिमूर, कोरपना व जिवती तालुक्यात एकही रूग्ण आढळला नाही. एकूण बाधितांची संख्या ८४ हजार ७५० वर पोहोचली आहे. बरे झालेल्यांची संख्या ८३ हजार ४९ झाली आहे. सध्या १६९ बाधितांवर उपचार सुरू आहेत. ५ लाख ७० हजार ८७६ नमुन्यांची तपासणी करण्यात आली. त्यापैकी ४ लाख ८३ हजार १५६ नमुने निगेटिव्ह आले आहेत. आतापर्यंत १,५३२ बाधितांचे मृत्यू झाले आहेत. नागरिकांनी कोरोना पूर्णपणे संपला, या मानसिकतेतून बाहेर यावे. मास्कचा वापर, वारंवार हात धुणे व सुरक्षित अंतर राखणे या त्रिसूत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी कोरोनाची लस घ्यावी व प्रशासनाच्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.