चंद्रपूर : केंद्रीय औद्योगिक सुरक्षा बलाद्वारे सीएसटीपीएस परिसरमध्ये सुरक्षा एजन्सी तसेच सीएसटीपीएस संयंत्राच्या वाॅटर ट्रीटमेंट परिसरात संयुक्त माॅक ड्रीलचे आयोजन करण्यात आले होते. यावेळी केंद्रीय औद्योगिक सुरक्षा बलासह जिल्हा आपत्ती प्रबंधक, दुर्गापूर पोलीस स्टेशनचे पोलीस कर्मचारी, जिल्हा सुरक्षा शाखा आयबी, सीएसटीपीएस, प्रबंधन, सीएसटीपीएस सेफ्टी विभाग, सीएसटीपीएस सुरक्षा बल, सीएसटीपीएस अग्निशमन विभाग तसेच रुग्णवाहिका आदी विभागातील कर्मचाऱ्यांनी सहभाग घेतला.
शुक्रवारी सकाळी माॅक ड्रील करण्यात आली. यावेळी उपकमांडंट पुष्पन्दे कुमार, जिल्हा आपत्ती प्रबंधन जितेश सुरवाडे, जिल्हा सुरक्षा शाखेचे एपीओ अतुल स्थूल, एसीआयओ कमलेश कातकर, सीएसटीपीएस संयंत्रण सेफ्टी अधिकारी, वरिष्ठ सुरक्षा प्रबंधक एस. झेड. चव्हाण, निरीक्षक अविनाश साळवे, अजयकुमार साहू, सतीशचंद्र मीना आदींची उपस्थिती होती.