रोटरी क्लबतर्फे मोरवा येथे ग्रंथालय

चंद्रपूर : येथून जवळच असलेल्या मोरवा येथील समाजभवानात स्पर्धा परीक्षेची तयार करणाऱ्या युवकांसाठी ग्रंथालयाची स्थापना करण्यात आली. येथे एमपीएससी व युपीएससीच्या पुस्तकांची कमतरता असल्याची माहिती रोटरी क्लब ऑफ चंद्रपूरचे अध्यक्ष श्रीकांत रेशीमवाले यांना मिळाली. त्यांनी लगेच पुस्तक साठा उपलब्ध करून दिला. प्रांतपाल किशोर केडिया यांच्याहस्ते वाचनालयाचे उद्घाटन करण्यात आले. यावेळी प्रा. दिलीप चौधरी, राम चांदे, वीरेंद्र हजारे, रोटरीचे अध्यक्ष श्रीकांत रेशीमवाले, स्मिता जिवतोडे, संतोष तेलंग आदी उपस्थित होते. यावेळी केडिया यांनी आपल्या घरचे उदाहरण देत मुलींनी स्पर्धा परीक्षेची तयारी कशी करायची याबाबत मार्गदर्शन केले. यावेळी उपस्थित पाहुण्यांनी मार्गदर्शन केले. उपस्थितांचे आभार संतोष तेलंग यांनी मानले. कार्यक्रमाला रोटरी क्लब ऑफ चांदा फोर्टचे सर्व पदाधिकारी तसेच ग्रामपंचायतीचे सर्व पदाधिकारी व सदस्य मोठ्या संख्येने उपस्थित होते.