सावरगाव येथे उन्हाळी धान खरेदी केंद्राचा शुभारंभ

सावरगाव येथे आदिवासी विविध कार्यकारी सहकारी संस्था बऱ्याच वर्षांपासून शेतकऱ्यांच्या सेवेसाठी कार्यरत आहे. दरम्यान, दरवर्षी येथे मोठ्या प्रमाणात धान्य खरेदी केला जातो. संस्थेंतर्गत येणाऱ्या सावरगाव परिसरातील सावरगाव, चिखलगाव, वलनी येथील बहुसंख्य शेतकऱ्यांकडे पाण्याचे साधन असल्याने मोठ्या प्रमाणात शेतकऱ्यांनी उन्हाळी धान उत्पादन घेतले. दरम्यान, गुरुवारी संस्थेतर्फे उन्हाळी धान खरेदी केंद्र सुरू करण्यात आले. या केंद्राचे उद्घाटन संस्थेचे उपाध्यक्ष शिवशंकर सहारे यांच्या हस्ते करण्यात आले. याप्रसंगी संस्थेचे संचालक तथा चिखलगाव ग्रामपंचायतचे सरपंच सीताराम मडावी, संचालक अमर मांढरे, संस्थेचे सचिव पी. एस. सडमाके, लिपिक बबन लोणारे, आदिवासी विकास महामंडळाचे ग्रेडर उराडे, सावरगाव येथील शेतकरी गणपत ठिकरे, बाबूराव ठिकरे आदींची उपस्थिती होती.