सुरक्षा किट देण्याची जबाबदारी शेतमालकाची

मागील काही दिवसामध्ये जिल्ह्यात सोयाबिन पिकांवर खोडमाशीचा तर कपाशी पिकावर बोंडअळीचा प्रादूर्भाव दिसून येत आहे. पिकांचे कीटकांपासून संरक्षण करण्यासाठी सध्या विविध किटकनाशकांची फवारणी केली जात आहे. जिल्ह्यातील काही शेतकरी किटकनाशक फवारणी करणाऱ्यांना सुरक्षा किट देत नाही. त्यामुळे अपघाताची शक्यता नाकारता येत नाही. मागील दोन वर्षामध्ये विषबाधा झाल्याच्या अनेक घटना जिल्ह्यात घडल्या. त्यामुळे वेळीच दक्षता घेणे गरजेचे आहे.

ठळक मुद्देदक्षता घ्या : कीटकनाशक फवारणी करताना विषबाधेची शक्यता

लोकमत न्यूज नेटवर्कचंद्रपूर : मागील काही दिवसांपासून ढगाळी वातावरणामुळे उभ्या पिकांवर विविध रोग तसेच कीटकजन्य आजारांचा प्रादूर्भाव दिसून येत आहे. या आजारांवर नियंत्रण मिळविण्यासाठी शेतकऱ्यांकडून सध्या मोठ्या प्रमाणात किटकनाशकांची फवारणी केली जात आहे. पिकांवर किटकनाशकांची फवारणी करणाऱ्याला मजुराला सुरक्षा किट पुरविण्याची जबाबदारी संबंधित शेतमालकीची असून त्यांनी शेतमजुरांची विशेष काळजी घेणे गरजेचे आहे.मागील काही दिवसामध्ये जिल्ह्यात सोयाबिन पिकांवर खोडमाशीचा तर कपाशी पिकावर बोंडअळीचा प्रादूर्भाव दिसून येत आहे. पिकांचे कीटकांपासून संरक्षण करण्यासाठी सध्या विविध किटकनाशकांची फवारणी केली जात आहे.जिल्ह्यातील काही शेतकरी किटकनाशक फवारणी करणाऱ्यांना सुरक्षा किट देत नाही. त्यामुळे अपघाताची शक्यता नाकारता येत नाही. मागील दोन वर्षामध्ये विषबाधा झाल्याच्या अनेक घटना जिल्ह्यात घडल्या. त्यामुळे वेळीच दक्षता घेणे गरजेचे आहे.अशी घ्यावी काळजीगळके फवारणी यंत्र न वापरता ते दुरुस्त करुन घ्यावे, किटकनाशक फवारणी यंत्रात भरताना खाली पडणार नाही याची दक्षता घ्यावी, तणनाशके फवारणीसाठी वेगळा पंप वापरावा व तो पंप कीटकनाशके वापरताना संरक्षक कपडे वापरावेत, फवारणीसाठी वापरलेले सर्व साहित्य पाण्याचे स्वच्छ धुवावे, खराब झालेले नोझल्स वापरू नये, कीटकनाशकाला हुंगणे किंवा त्याचा वास घेणे टाळावे, फवारणीचे मिश्रण हाताने न ढवळता लांब दांडाचा किंवा काठीचा वापर करावा, कीटकनाशके पोटात जाण्याची शक्यता असल्याने फवारणीचे मिश्रम करताना वा फवारणीच्या वेळी तंबाखू खाणे अथवा धुम्रपान करणे टाळावे, फवारणीचे काम पूर्ण झाल्यावर हात साबणाने स्वच्छ धुवूनच अन्न पदार्थाचे सेवन करावे, फवारणीवेळी लहान मुले, जनावरे, पाळीव प्राण्यांना दूर ठेवावे, उपाशीपोटी फवारणी न करता फवारणीपूर्वी न्याहारी करावी, फवारणीत वापरलेली भांडी, इतर साहित्य नदी, नाला वा विहिरीजवळ धुवू नयेत. हे साहित्य धुतांना वापरलेले पाणी पडीक जमिनीत टाकावेत अथव मातीत पुरवावे.विषबाधेची लक्षणे उपाययोजनाविषबाधा ही कीटकनाशके तसेच तणनाशकांचा त्यांच्याशी संपर्क अथवा पोटात गेल्यास होते. विषबाधा आणि इतर आजार यांच्या लक्षणात बरेचदा साम्य राहू शकते. फवारणी केल्यानंतर अशक्तपणा व चक्कर येते, त्वचेची जळजळ होणे, डाग पडणे, घाम येणे, जळजळ होणे आदी लक्षणे आहे.