वरोरा : एक इसम नेहमी घरी यायचा. घरातील दोन अल्पवयीन मुलीवर त्याची नजर गेली. तो दोन्ही मुलीवर अत्याचार करू लागला. ही बाब मुलींनी आपल्या आईला सांगितली. परंतु आईने काही केले नाही. अखेर आजीच्या सल्ल्याने त्या मुलींनी पोलीस स्टेशनमध्ये जाऊन तक्रार दिली. तक्रारीवरून आई व त्या इसमावर गुन्हा दाखल करण्यात आला आहे.
१३ व १६ वर्षीय मुली आपल्या आई व आजीसोबत राहत होत्या. एक इसम नेहमी घरी यायचा. अशातच त्या इसमाची नजर या दोन्ही मुलीवर गेली. त्यांच्यावर तो बळजबरीने अत्याचार करू लागला. ही बाब मुलींनी आईला सांगितली. आई त्याबाबत काही बोलत नव्हती. ही गोष्ट आजीला माहीत होताच आजीने त्या इसमास हटकले. त्यामुळे त्याने आजीला मारहाण केली. परत आपल्यावर तो असाच अत्याचार करत राहील, हे कुठेतरी बंद झाले पाहिजे, याकरिता दोन्ही मुलींनी पोलीस स्टेशन गाठून तक्रार दिली. तक्रारीवरून आई व त्या इसमावर बालक लैंगिक अत्याचार अधिनियम अंतर्गत गुन्हा दाखल करून अटक करण्यात आली.