नियमाला धरूनच सोमनाथ न्यासची घटना : स्वाती पुनकटवार

सोमनाथ येथील न्यासच्या घटनेनुसार, प्रत्येक पाच वर्षांनी नवीन सरपंच, उपसरपंच हे न्यासचे पदसिध्द अध्यक्ष आणि उपाध्यक्ष असतात. २०१५ रोजी सोमनाथ देवस्थानची जबाबदारी घेताना बँक खात्यावर केवळ ८५० रुपये शिल्लक ठेवले होते. सद्यस्थितीत बँक खात्यामध्ये दोन लाखांच्या जवळपास रक्कम जमा आहे. देवस्थानची जी काही मालमत्ता आहे, ती संपूर्ण मालमत्तेची धर्मदाय आयुक्त यांच्याकडे नाेंद आहे. असे असतानाही विद्यमान सरपंचाने देवस्थानची चल व अचल संपत्ती हडपण्यासाठी नवीन न्यासची घटना बनविण्याचा आरोप केला असून तो बिनबुडाचा असल्याचेेही स्वाती पुनकटवार, पंकज पुल्लावार यांनी यावेळी सांगितले. याप्रसंगी मारोडा ग्रामपंचायतीचे माजी उपसरपंच सुलभा नन्नावरे, माजी सदस्य अमोल बालमवार, सुनील दुपारे, वामन पिंपळे, अनिता वाढई, सुधाकर शेंडे उपस्थित होते.