नगर परिषद प्रांगणातील पुतळ्याजवळ काँग्रेसच्या सर्व पदाधिकाऱ्यांनी सकाळी उपस्थित होऊन छत्रपती शिवाजी महाराज यांच्या पुतळ्यास माल्यार्पण करून आदरांजली वाहिली. यामध्ये प्रदेश अध्यक्ष घनश्याम मुलचंदानी, माजी नगराध्यक्ष डॉ. मधुकर बावणे, महिला शहर अध्यक्ष ॲड. मेघा भाले, महिला तहसील अध्यक्ष अफसाना सय्यद, नगरसेवक निशांत आत्राम, माजी नगरसेवक इस्माईल ढाकवाला तसेच इतर कार्यकर्त्यांची उपस्थिती होती. वंचित बहुजन आघाडीच्या वतीने राजू झोडे व कार्यकर्त्यांनी शिवरायांच्या पुतळ्यास अभिवादन केले. शहरातील इतर संघटनांनीही यावेळी शिवाजी महाराजांच्या पुतळ्यास पुष्प वाहून अभिवादन केले.
भाजपतर्फे शिव जन्मोत्सव
छायाचित्र : मंचावर शिवजयंती कार्यक्रम प्रस्तुत करताना कलाकार.
बल्लारपूर : शिव जन्मोत्सव सोहळा येथील वस्ती विभागातील गांधी चौकात भारतीय जनता पक्ष, भारतीय जनता युवा मोर्चा व शिवजयंती समिती बल्लारपूरद्वारा भव्य शोभायात्रा काढून साजरा करण्यात आला. शिव गीते, नृत्य व सांस्कृतिक कार्यक्रम आयोजित केले होेते. याप्रसंगी माजी अर्थमंत्री सुधीर मुनगंटीवार, भाजपचे जिल्हाध्यक्ष देवराव भोंगळे, नगराध्यक्ष हरीश शर्मा व इतर पदाधिकारी प्रामुख्याने उपस्थित होते. यावेळी मंचावर कलाकारांनी शिवजयंती सोहळ्यात शिवाजी महाराजांवर उत्कृष्ट संगीतमय नाट्य सादर करून श्रोत्यांची मने जिंकली. हा कार्यक्रम पाहण्यासाठी शहरातील व बाहेर गावच्या लोकांनी प्रचंड गर्दी केली होती.