बाळू धानोरकर : महिला काँग्रेसच्या उपक्रमाला भेट
चंद्रपूर : लाॅकडाऊनमुळे अनेकांच्या जेवणाचे हाल झाले आहे, अशा गरजूंना जेवण मिळावे या उद्देशाने राज्य महिला काँग्रेसतर्फे 'मदतीचा एक घास' हा उपक्रम सुरू करण्यात आला. हा उपक्रम भुकेल्या पोटांना दिलेला आधार असल्याचे मत खासदार बाळू धानोरकर यांनी व्यक्त केले.
मदतीचा एक घास हा उपक्रम महिला काँग्रेसकडून शासकीय रुग्णालयात सुरू आहे. येथे त्यांनी भेट दिली. यावेळी ते बोलत होते.
या उपक्रमाचे उद्घाटन पालकमंत्री विजय वडेट्टीवार यांनी केले. यापूर्वी वरोराच्या आमदार प्रतिभा धानोरकर, राजुरा मतदारसंघाचे आमदार सुभाष धोटे यांनी भेट दिली.
उपस्थित नागरिकांनी कोविडचे नियम पाळून गरजूंपर्यंत ही सेवा पोहोचविली पाहिजे, असे आवाहन त्यांनी केले.
यावेळी प्रदेश सचिव नम्रता आचार्य ठेमस्कर, जिल्हाध्यक्ष प्रकाश देवतळे, जिल्हा उपाध्यक्षा सुनीता धोटे, नगरसेविका ललिता रेविलवार, उपाध्यक्षा हर्षा चांदेकर, ब्लॉक अध्यक्ष शीतल काटकर, शहर उपाध्यक्षा स्वाती त्रिवेदी, शहर सचिव वाणी डारला, लता बारापत्रे, राजेश सिंग चौहान, मोनू रामटेके उपस्थित होते.