ठळक मुद्देतणसाच्या ढिगाजवळ आढळला होता
लोकमत न्यूज नेटवर्कचंद्रपूर : मूल तालुक्यातील सुशी येथे शुक्रवारी सकाळी वाघाचा बछडा आढळून आला. एका व्यक्तीला हा बछडा बसलेला असल्याचे लक्षात आले. त्याने तात्काळ ही माहिती गावात दिली. चिचपल्ली वनपरिक्षेत्रात येत असलेल्या या गावातील वनविभागाने व वन्यजीवप्रेमी उमेश झिरे यांनी बछड्याला ताब्यात घेतले. त्याला चंद्रपूर येथे पाठवण्यात आले आहे. हा बछडा ३ ते ४ महिन्यांचा असून तो अशक्तही आहे. जंगलात फिरत असताना वाट चुकून तो गावाकडे आला असल्याचा अंदाज व्यक्त केला जातो आहे.