ट्रकची तवेरा वाहनास धडक पाच जण जखमी

ट्रकने समोरून तवेरा वाहनास जोरदार धडक दिली. या अपघातात तव्हेरा वाहनातील पाच व्यक्ती गंभीर जखमी झाले.

वरोरा : ट्रकने समोरून तवेरा वाहनास जोरदार धडक दिली. या अपघातात तव्हेरा वाहनातील पाच व्यक्ती गंभीर जखमी झाले. सदर अपघात नागपूर-चंद्रपूर मार्गावरील खांबाडा गाव शिवारात सोमवारी रात्री ९ वाजताच्या सुमारास घडला.ज्ञानेश्वर सदाशिव झाडे (४३) रा. वरोरा, चेतना विठ्ठल शेट्टे (२७), संगीता अभय रामगिरवार, प्रिया देवीदास शेट्टे, साधना देवीदास शेट्टे रा. वणी असे गंभीर जखमींची नावे आहेत. एम.एच.३४ के.४८६५ हे तवेरा वाहन नागपूरकडून वरोराकडे सोमवारी रात्री येत होते. तर ए.पी. २० डब्ल्यू.४३३८ हा ट्रक चंद्रपूरवरुन नागपूरकडे जात असताना खांबाडा गाव शिवारात ट्रकने तवेरा वाहनास समोरुन धडक दिली. अपघाताची माहिती मिळताच वरोरा पोलिसांनी घटनास्थळी धाव घेऊन जखमींना उपचाराकरीता उपजिल्हा रुग्णालय वरोरा येथे दाखल केले. अपघातामुळे या मार्गावरील वाहतूक विस्कळीत झाली होती. याप्रकरणी ट्रक चालक पी राजशेखर रा. येन्नुर आंध्र प्रदेश याच्यावर कलम २७९, ३३७ भादंवि गुन्हा नोंदवून अटक केली असून पुढील तपास सुरू आहे. (तालुका प्रतिनिधी)दुचाकीची समोरासमोर धडक, एक ठारटिप्परला ओव्हरटेक मारण्याच्या नादात समोरुन दुचाकी वाहन आल्याने दोन्ही दुचाकी वाहन समोरासमोर धडकले. या अपघातात एक युवक ठार तर दोन गंभीररीत्या जखमी झाले. हा अपघात वरोरा-माढेळी मार्गावरील चरुर (खटी) गाव शिवारात सोमवारी सायंकाळी ६ वाजताच्या सुमारास घडला. समीर चामटकर(१८) रा. नंदोरी असे मृताचे नाव आहे. तर अतुल चामटकर व विलास झिले हे गंभीर जखमी झाले. बहिणीच्या स्वागत समारंभासाठी नंदोरी येथील समिर सुधाकर चामटकर व अतुल चामटकर हे दोघेही माढेळी मार्ग एम.एच.३४-७९५६ या दुचाकीने शेकापूर येथे जात असताना समोर असणाऱ्या टिप्परला ओलांडताना समोरुन एम.एच. ३२-९४०७ ची दुचाकी आली. दोन्ही दुचाकी समोरासमोर धडकल्या त्यात झालेल्या अपघातात समीर चामटकर याचा जागीच मृत्यू झाला. पुढील तपास वरोरा पोलीस करीत आहे.