चंद्रपूर : आगामी विधानसभा निवडणुकीच्या तयारीला लागलेल्या काँग्रेसने प्रबळ उमेदवारांची चाचपणी सुरू केली आहे. पक्षाचे पर्यवेक्षक १९ व २० जुलैला सर्व विधानसभा क्षेत्रात जाऊन पक्षाच्या प्रमुख कार्यकर्त्यांसोबत चर्चा करणार असून इच्छुक उमेदवारांची चाचपणीही करणार असल्याची माहिती आहे.अखिल भारतीय काँग्रेस कमेटीचे प्रवक्ता आमदार नदीम जावेद यांना पक्षाने चंद्रपूर जिल्हाचे पर्यवेक्षक व संजय दुबे यांना महाराष्ट्र प्रदेश काँग्रेस कमेटीचे समन्वयक म्हणून नियुक्त केले आहे. हे दोन्ही पदाधिकारी जिल्ह्यातील वेगवेगळ्या विधानसभा क्षेत्रात जाऊन कार्यकर्त्यांशी विचारविनिमय करतील. १९ जुलैला वरोरा, राजुरा, बल्लारपूर व चंद्रपूर तालुक्यात तर २० जुलैला ब्रह्मपुरी, चिमूर विधानसभा क्षेत्रातील पदाधिकारी व कार्यकर्त्यांशी चर्चा करतील. लोकसभा निवडणुकीत काँग्रेसला पराभवाची चव चाखावी लागली होती. त्यामुळे यावेळी काँग्रेसमधील इच्छुक उमेदवारांची कसून चाचपणीही केली जाणार आहे. (शहर प्रतिनिधी)
ंपर्यवेक्षकांकडून काँग्रेस उमेदवारांची चाचपणी
By admin | Updated: July 19, 2014 00:57 IST