शहरं
Join us  
Trending Stories
1
“दिवस निवड, वेळ अन् जागा तुझी, कुठे येऊ ते फक्त सांग”; मनसे नेत्यांचे निशिकांत दुबेंना आव्हान
2
“राज ठाकरेंसोबत जो जाईल, तो संपेल, तेच मराठीचा अनादर करतात”; आणखी एका भाजपा खासदाराची टीका
3
पाकिस्तानमध्ये अजब घोटाळा! डिलिव्हरी न करता अब्जावधींचे पेमेंट; कपडे अन् शूजवर पाण्यासारखे पैसे वाया गेले
4
सुझलॉनमध्ये पैसे गुंतवलेत? आता झालाय मोठा बदल, गुंतवणूकदारांना माहीत असणं गरजेचं
5
Sonam Raghuwanshi : राजाच्या हत्येनंतर १४ दिवस फ्लॅटमध्ये काय करत होती सोनम? चौकशीदरम्यान मोठा खुलासा
6
“...तर भाजपाच्या नेत्यांना विचारूनच राष्ट्रवादीचे विलिनीकरण”; अजितदादांच्या नेत्यांचे विधान
7
शर्यतीच्या नादात पोलीस अधिकाऱ्याच्या मुलाने दोघांचा उडवलं; बापाने चोप देत पोलिसांकडे सोपवलं
8
...अन् कोट्यवधींच्या अलिशान कारमधून फिरणारा चहल बुलेटचा ठोका ऐकून झाला थक्क (VIDEO)
9
Karur Vysya Bank Ltd Bonus Share: चौथ्यांदा बोनस शेअर देणार 'ही' बँक; २५ जुलैपूर्वी होणार निर्णय, तुमच्याकडे आहे का स्टॉक?
10
कोर्टात लव्ह मॅरेज, लग्नानंतर सातत्याने भांडण; Video रेकॉर्ड करून युवकानं जीवन संपवलं
11
'माफी मागा...', एअर इंडिया विमान अपघाताच्या बातमीवर वैमानिकांनी डब्ल्यूएसजेला नोटीस पाठवली
12
रश्मी वहिनींसह उद्धव ठाकरे पोहोचले संजय राऊतांच्या घरी; नेमके कारण काय? चर्चांना उधाण
13
Mhada Lottery 2025: म्हाडाच्या घरांसाठी फॉर्म कसा भरायचा? जाणून घ्या अर्ज करण्याची अगदी सोपी पद्धत!
14
"हा शिक्षक नाही राक्षस आहे"; नापास करायची भीती दाखवून शाळेत २३ मुलांचे लैंगिक शोषण, व्हिडिओ बनवले
15
What Is Option Trading: किती धोकादायक आहे ऑप्शन ट्रेडिंग? या व्यक्तीचे ५५ लाख बुडाले; असा होतो 'गेम'
16
WCL 2025 : पाकनं मॅच जिंकली; पण मैदानातील 'गडबड-घोटाळ्या'मुळं झाली फजिती! व्हिडिओ व्हायरल
17
वाफवलेलं की उकडलेलं... कोणतं अन्न आरोग्यासाठी जास्त चांगलं? फायदे समजल्यावर तुम्हीही खाल
18
शाळा बंद करण्यापेक्षा मदरसे बंद करून दाखवा; मंत्री नितेश राणेंचं राज ठाकरेंना आव्हान
19
२ सख्ख्या भावांनी एकाच मुलीसोबत केले लग्न, कारण...; अजब लग्नाची ही गजब गोष्ट काय आहे?
20
Reliance Q1 Results: ही आहे मुकेश अंबानींची जादू; ३ महिन्यांत केली २६,९९४ कोटी रुपयांची कमाई, जाणून घ्या

क्रीडांगण विकासात तहसीलचा खोडा

By admin | Updated: March 8, 2015 00:40 IST

देशातील ग्रामीण भागात खेळल्या जाणाऱ्या खेळांचा विकास व्हावा तसेच ग्रामीण भागातील खेळाडुंनी खेळात सहभागी व्हावे, या उद्देशाने शासनातर्फे खेळ व...

तळोधी (बा.) : देशातील ग्रामीण भागात खेळल्या जाणाऱ्या खेळांचा विकास व्हावा तसेच ग्रामीण भागातील खेळाडुंनी खेळात सहभागी व्हावे, या उद्देशाने शासनातर्फे खेळ व क्रीडा विभागातर्फे विविध कार्यक्रम राबविले जातात. याचाच एक भाग म्हणून वाढोणा ग्रामपंचायतीने एक ठराव पारित केला. त्या अनुषंगाने शासनाच्या अनुदानातून क्रीडांगण तयार करुन खेळाडुंना खेळण्याच्या दृष्टीने सुविधा उपलब्ध करून द्यावे असे ठरले. नागभीड तहसीलदारांकडे यासाठी जागेची मागणी केली. परंतु तहसील कार्यालयाने जागा देण्याचे अमान्य करून क्रीडा विकासाच्या कार्यात खोडा घातला आहे.नागभीड तालुक्यातील वाढोणा ग्रामपंचायतीची ‘पायका’ या योजनेंतर्गत क्रीडांगण विकासासाठी सन २००८-०९ या सत्रात निवड करण्यात आली. त्यानुसार महाराष्ट्र राज्य क्रीडा संचालनालयामार्फत एक लाख रुपयांचे अनुदानही प्राप्त झाले. त्यासाठी ग्रामपंचायत कमिटीने क्रीडांगण तयार करण्याच्या दृष्टीने महसूल विभागाची जिल्हा परिषद शाळेला लागून असलेल्या जागेची निवड केली. जेणेकरुन भविष्यात विद्यार्थी, शाळेतील क्रीडा सत्रात शाळेला व गावातील तरुण पिढीला याचा उपयोग होईल व तसा ठराव करून सदर जागा मिळण्यासाठी नागभीडच्या तहसीलदारांकडे प्रस्ताव सादर केला. ५ एप्रिल २०१३ रोजी तहसीलदारांच्या पत्रानुसार वाढोणा येथील गट क्र. ८०३, आराजी ०.९५ हे.आर. या जागे संदर्भात १०० रुपयांच्या स्टॅम्प पेपवर शपथपत्र करण्यात १५ एप्रिल २०१३ ला हजर राहण्यास सांगण्यात आले व वाढोणा ग्रामपंचायतीचे सरपंच आणि ग्राम विस्तार अधिकाऱ्यांनी १७ एप्रिल २०१३ ला १०० रुपयांच्यी स्टॅम्प पेपरवर तहसीलदारांना शपथपत्रही सादर केले. आता आपल्याला सदर जागा मिळणारच, या आशेने ग्रामपंचायतीने सदर जागेवर क्रीडांगण विकासाचे कामही सुरू केले. यासाठी प्राप्त अनुदानापैकी २८ हजार रुपये खर्च करण्यात आले. परंतु २१ नोव्हेंबर २०१३ ला नागभीडच्या तहसीलदारांनी कार्यालयीन पत्रानुसार सदर जागा शालेय क्रीडांगणाकरीता देता येणार नाही, असे सांगून सदर प्रकरण नस्ती करण्यात आले असल्याचे कळविले.या पत्रामुळे वाढोणा ग्रामपंचायतीच्या क्रीडांगण विकासात तहसील कार्यालय शुक्राचार्य बनल्याने सदर प्रस्ताव धूळ खात आहे. ग्रामपंचायतीकडून प्राप्त एक लाख रुपयाच्या अनुदानापैकी ७२ हजार रुपये अजुनही सन २००८-०९ पासून ग्रामपंचायतीच्या खात्यात धूळ खात पडून आहे. सध्यस्थितीत महसूल विभागाची हजारो हेक्टर जमिन गावोगावी पडून आहे. त्यावर गावातील धनदांडगे लोक जबरदस्तीने अतिक्रमण करून ताबा मिळवितात. परंतु त्यावेळी अधिकारी वर्ग त्यांना थातूरमातूर दंड ठोठावून या जागेवर ताबा प्रदान करीत असल्याची अनेक उदाहरणे आहेत. मात्र वाढोणा ग्रामपंचायतीने कायदेशिर मार्गाने जनतेच्या विकासासाठी जागेची मागणी केली असता ती नाकारण्याचे कारण काय? असा प्रश्न गावकऱ्यांना पडला आहे. परंतु वाढोना ग्रामपंचायतीकडून क्रीडांगण विकासाच्या कार्यात तहसील कार्यालय शुक्राचार्य बनून वाढोणा येथील ग्रामस्थांना खेळाच्या चांगल्या मैदानापासून वंचित ठेवण्याबरोबरच शासनाचा क्रीडा विकास कार्यक्रमात खोडा घालत असल्याचा आरोप गावकऱ्यांनी केला आहे. वरिष्ठांनी या प्रकरणात लक्ष घालावे, अशी मागणी गावकऱ्यांनी केली आहे. (वार्ताहर)