कोरोनाला आळा घालण्यासाठी मास्कचा वापर करणे, सोशल डिस्टन्सिंग पाळणे, साबण किंवा सॅनिटायझरने हात स्वच्छ धुणे या त्रिसूत्रीचा वापर करण्याचे आवाहन प्रशासनातर्फे करण्यात आले आहे. पूर्वी कोरोनाचा रुग्ण आढळल्याबरोबर नागरिकांकडून सावधगिरी बाळगण्यात आली. सॅनिटायझरचा खप इतका वाढला की, दुकानात मिळेनासे झाले. अनेकांनी तर चढ्या दराने सॅनिटायझरची विक्री केली. परंतु, आता पुन्हा रुग्णसंख्या वाढत आहे. दररोज ८० च्यावर रुग्ण पॉझिटिव्ह आढळून येत आहेत. जिल्ह्याची रुग्णसंख्या २५ हजारच्या जवळपास पोहोचली असून ८६१ बाधित ॲक्टिव्ह आहेत. तरीसुद्धा नागरिक बेफिकीरीने वागत असून सॅनिटायझरचा वापर कमी प्रमाणात करीत आहेत. मात्र, त्यामुळे धोका वाढण्याची शक्यता अधिक आहे.
कोट
घरी राहिले तर दिवसातून तीन ते चारदा साबणाने हात स्वच्छ करीत असते. घराबाहेर पडताना सॅनिटायझर पर्समध्ये घेऊन जाते व त्याचा वापर करीत असते. मास्क किंवा रुमाल बांधूनच घराबाहेर पडते.
- प्रतिमा कोडापे, चंद्रपूर
-----------
सॅनिटायझर किंवा साबण दोन्ही एकाच प्रकरचे काम करीत असतात. त्यामुळे जास्तीत जास्त प्रमाणात साबणाने हात धूत असतो. मास्कचा वापरसुद्धा करीत असतो. कोरोना टाळण्यासाठी सर्वसामान्यांनासुद्धा लस देणे गरजेचे आहे.
-अमोल गेडाम, चंद्रपूर.
बॉक्स
४० टक्के विक्री घटली
भारतात कोरोनाचे रुग्ण आढळून येताच सॅनिटायझरची विक्री वाढली. चंद्रपुरात मे महिन्यात कोरोनाचा रुग्ण आढळून आला. तेव्हा जिल्ह्यात सॅनिटायझरचा तुटवडा पडला. ऑक्टोबर, नोव्हेबरपासून रुग्णसंख्या घटली. तसेच सॅनिटायझरची विक्री घटली. आता पुन्हा रुग्णसंख्या वाढत आहे. परंतु, सॅनिटायझरची विक्री जैसे थे आहे. बहुतांश ग्राहक छोटी सॅनिटायझरची बॉटल किंवा स्प्रेची मागणी करतात. परंतु, मध्यम किंवा मोठ्या प्रमाणातील सॅनिटायझरला पाहिजे त्या प्रमाणात मागणी दिसून येत नाही. पूर्वीच्या तुलनेत ४० टक्क्यांनी सॅनिटायझरची विक्री घटली आहे.
कोट
सॅनिटायझर हे पर्यायी साधन आहे. त्यामुळे पाणी किंवा साबण उपलब्ध नसल्यास सॅनिटायझरचा वापर करतात. मार्च-एप्रिल २०२० मध्ये सॅनिटायझरची मागणी प्रचंड होती. अनेक ठिकाणी तुटवडा भासला. मात्र, रुग्णसंख्या कमी होताच विक्रीमध्ये घट झाली. परंतु, आता पुन्हा हळूहळू सॅनिटायझर विक्री वाढत आहे. सॅनिटायझरच्या छोट्या बॉटल्सची विक्री पूर्वीप्रमाणेच होत आहे.
रंजित दांडेकर,
संघटन सचिव,
केमिस्ट ॲण्ड ड्रगिस्ट असोसिएशन, चंद्रपूर
बॉक्स
मागील वर्षीची विक्री ८५
यंदाची सॅनिटायझर विक्री ५०
मास्क विक्रीत घट २०